ଆଗାମୀ ୩ ମାସ ମଧ୍ୟରେ ରସଗୋଲା ବିବାଦର ପୂର୍ଣ୍ଣଛେଦ ପଡ଼ିବ : ଜି.ଆଇ ମୁଖ୍ୟ
କୋଲକାତା: ବହୁ ଦିନ ଧରି ରସଗୋଲାର ଭୌଗଳିକ ଉତ୍ପତ୍ତି ନେଇ ଓଡିଶା ଓ ପଶ୍ଚିମବଙ୍ଗ ମଧ୍ୟରେ ଚାଲିଥିବା ବିବାଦରେ ପୂର୍ଣ୍ଣଛେଦ ପଡିବାକୁ ଯାଉଛି । ଆଗାମୀ ୩ମାସ ମଧ୍ୟରେ ପ୍ରକୃତରେ ରସଗୋଲା କାହାର ତାହା ସ୍ପଷ୍ଟ ହୋଇଯିବ । ଓଡିଶା ତରଫରୁ ରସଗୋଲାକୁ ଜିଆଇ ମାନ୍ୟତା ମିଳିବା ନେଇ ଦିଆଯାଇଥିବା ତଥ୍ୟକୁ ତର୍ଜମା କରାଯାଉଛି, ଯାହାକି ଆଗାମୀ ୩ ମାସ ମଧ୍ୟରେ ଏହି ବିବାଦରେ ପୂର୍ଣ୍ଣଛେଦ ପକାଇବ ବୋଲି କହିଛନ୍ତି ଜି.ଆଇ ମୁଖ୍ୟ ସି.ଜି ନାଇଡୁ ।
Sambad is now on WhatsApp
Join and get latest news updates delivered to you via WhatsApp
ଗତକାଲି କୋଲକାତାରେ ଆୟୋଜିତ ଏକ ସମ୍ମିଳନୀରେ, ରସଗୋଲା ମାନ୍ୟତାକୁ ନେଇ ବିଭିନ୍ନ ପ୍ରଶ୍ନର ଉତ୍ତରରେ ନାଇଡୁ କହିଛନ୍ତି ଯେ, ରସଗୋଲାର ପ୍ରକୃତ ଇତିହାସ ଓ ଏହାର ଉତ୍ପତ୍ତି କେଉଁଠାରୁ ତାକୁ ନେଇ ତର୍ଜମା ଚାଲିଛି । ସେଥି ପାଇଁ ବ୍ରିଟିଶ ଶାସନ ବେଳର ଗେଜେଟ ନୋଟିଫିକେସନକୁ ଅନୁଧ୍ୟାନ କରାଯିବା ସହ ବିଭିନ୍ନ ବିଶେଷଜ୍ଞଙ୍କ ଲେଖା, ଇତିହାସକାର, ଗବେଷକଙ୍କ ମତାମତ ନିଆଯିବ ବୋଲି ନାଇଡୁ କହିଛନ୍ତି ।
ଅନ୍ୟପଟେ ୨୦୧୭ ନଭେମ୍ବର ମାସରେ ରସଗୋଲାକୁ ନେଇ ପଶ୍ଚିମବଙ୍ଗ ସରକାରଙ୍କୁ ଜିଆଇ ମାନ୍ୟତା ମିଳିଥିବା ନେଇ ମୁଖ୍ୟମନ୍ତ୍ରୀ ମମତା ବାନାର୍ଜୀ ଟ୍ୱିଟ କରି କହିଥିଲେ । ହେଲେ ଏହାର ଠିକ ୪ମାସ ପରେ ସେହି ଜିଆଇ ମାନ୍ୟତାକୁ ନେଇ ପଶ୍ଚିମବଙ୍ଗ ସରକାରଙ୍କୁ କାରଣ ଦର୍ଶାଅ ନୋଟିସ ଜାରି କରିଥିଲେ ଜି.ଆଇ ଅଫିସ । ସୁଚନା ମୁତାବକ ପଶ୍ଚିମବଙ୍ଗ ସରକାର ଭୁଲ ତଥ୍ୟ ଉପସ୍ଥାପନ କରି ଚେନ୍ନାଇରେ ଥିବା ଇଣ୍ଡିଆନ ପ୍ୟାଟେଣ୍ଟ ଅଫିସରୁ ‘ବାଂଲାର ରସଗୋଲା’ ନାଁରେ ଜି.ଆଇ ମାନ୍ୟତା ହାସଲ କରିଥିଲା । ତେବେ ଏହାକୁ ନେଇ ଓଡିଶା ତରଫରୁ ଯୁକ୍ତି ଓ ତଥ୍ୟ ଉପସ୍ଥାପନ କରାଯାଇଛି ।