ସଫଳତାର ସହ ସଂଗରୋଧ କେନ୍ଦ୍ର ଅବଧି ଶେଷ କଲେ ପ୍ରବାସୀଙ୍କୁ ମିଳିବ ଅନୁକମ୍ପାମୂଳକ ୨୦୦୦ ଟଙ୍କା
ଭୁବନେଶ୍ୱର: ସଂଗରୋଧ କେନ୍ଦ୍ରରେ ସଫଳତାର ସହ ଅବଧି ପୂରଣ କଲେ ପ୍ରବାସୀମାନଙ୍କୁ ଅନୁକମ୍ପାମୂଳକ ୨୦୦୦ ଟଙ୍କାର ରାଶି ମିଳିବ ବୋଲି ରାଜ୍ୟ ସରକାର ଘୋଷଣା କରିଥିଲେ । ଆଜି ଏଥି ଲାଗି ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ୬୨ କୋଟି ଟଙ୍କା ମଞ୍ଜୁର କରାଯାଇଛି । ରାଜ୍ୟ ସରକାର ଏସଂକ୍ରନ୍ତାରେ ଆଜି ବିଜ୍ଞପ୍ତି ଜାରି କରିଛନ୍ତି । ସ୍ୱତନ୍ତ୍ର ରିଲିଫ କମିସନର ପ୍ରଦୀପ ଜେନା ଏନେଇ ବିଜ୍ଞପ୍ତି ଜାରି କରିବା ସହ ଏଥିରେ କହିଛନ୍ତି, ୨୦୦୦ ଟଙ୍କାର ଅନୁକମ୍ପାମୂଳକ ରାଶି ଦିଆଯିବା ନେଇ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଏଥି ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ୬୨ କୋଟି ଟଙ୍କା ମଂଜୁରୀ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ସଂଗରୋଧ କେନ୍ଦ୍ର ଅବଧି ଶେଷ ହେବା ପରେ ମଧ୍ୟ ପ୍ରବାସୀମାନଙ୍କୁ ଅନୁକମ୍ପାମୂଳକ ରାଶି ମିଳୁ ନଥିବା ନେଇ ଆଜି ଭାରତୀୟ ଜନତା ପାର୍ଟି ପକ୍ଷରୁ ଅଭିଯୋଗ ଅଣାଯାଇଥିଲା ।