ଭୁବନେଶ୍ବର : ଭାରତୀୟ ହକି ଟିମକୁ ଉତ୍ସାହ ଯୋଗାଇବାକୁ ଓଡ଼ିଶା ଆସିବେ ବଲିଉଡ ବାଦଶାହା ଶାହରୁଖ ଖାନ୍ । ଭୁବନେଶ୍ବରରେ ହକି ବିଶ୍ୱକପର ଉଦଘାଟନୀ ସମାରୋହରେ ଶାହାରୁଖ ଯୋଗ ଦେବେ ବୋଲି ଟୁଇଟ୍ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନଭେମ୍ବର ୨୭ ତାରିଖରେ ଉଦଘାଟନୀ ଉତ୍ସବରେ ଶାହାରୁଖ ଯୋଗ ଦେବେ । କିଙ୍ଗ୍ ଖାନଙ୍କ ସ୍ୱାଗତ ପାଇଁ ଓଡିଶାବାସୀ ଅାଗ୍ରହର ସହ ଅପେକ୍ଷା କରିଛନ୍ତି ବୋଲି ଟ୍ୱିଟ୍ ଯୋଗେ କହିଛନ୍ତି ନବୀନ ।
Sambad is now on WhatsApp
Join and get latest news updates delivered to you via WhatsApp
କଳିଙ୍ଗ ଷ୍ଟାଡିୟମରେ ଭାରତୀୟ ହକି ଟିମକୁ ଚିୟର କରିବାକୁ ଆସିବା ପାଇଁ କିଙ୍ଗ ଖାନଙ୍କୁ ଭିଡ଼ିଓ ଜରିଆରେ ଟ୍ୱିଟ୍ କରି ଆମନ୍ତ୍ରଣ କରିଥିଲେ ଭାରତୀୟ ହକି ଟିମର ସଦସ୍ୟ । ଏହାକୁ ରିଟ୍ୱିଟ୍ କରି ଶାହାରୁଖ କହିଛନ୍ତି, ହକି ବିଶ୍ୱକପରେ ଯୋଗ ଦେବା ନେଇ ମୋର ଜଣାଇବାରେ ବିଳମ୍ବ ହୋଇଯାଇଛି । ହେଲେ ମୁଁ ଆପଣମାନଙ୍କୁ ଉତ୍ସାହିତ କରିବାକୁ ନିଶ୍ଚିତ ଯୋଗ ଦେବି । ମୋତେ ମନେପକାଇ ଥିବାରୁ ସମସ୍ତଙ୍କୁ ଧନ୍ୟବାଦ ଜଣାଉଛି ।
Delighted to share that @iamsrk ‘s #HeartBeatsForHockey and he has come forward to support Indian hockey & #HockeyWorldCup2018 in #Bhubaneswar. Kalinga Stadium & #Odisha look forward to welcoming you, Mr. Khan at the #OdishaHWCOpeningCeremony on 27th November 2018 #AbBasHockey https://t.co/rWNZvT1KmQ
— Naveen Patnaik (@Naveen_Odisha) October 9, 2018
ଏହାସହ ଶାହାରୁଖ ଟିମ ଇଣ୍ଡିଆକୁ ହକି ବିଶ୍ୱକପ ପାଇଁ ଶୁଭେଚ୍ଛା ଜଣାଇବା ସହ ଉତ୍ସାହିତ କରିବାକୁ ଦେଶବାସୀଙ୍କୁ କହିଛନ୍ତି । ହକି ଭାରତର ଗର୍ବ ଓ ଗୌରବ । ତେଣୁ ହକି ପାଇଁ ସମସ୍ତଙ୍କୁ ଏକାଠି ହେବାକୁ ଆହ୍ୱାନ ଦେଇଛନ୍ତି କିଙ୍ଗ୍ ଖାନ । ଶାହାରୁଖଙ୍କ ଏହି ଟ୍ୱିଟକୁ ବେଶ ପସନ୍ଦ କରିଛନ୍ତି ହକି ପ୍ରେମୀ ।
ଆଉ ଏସବୁ ଭିତରେ ହକି ବିଶ୍ୱକପର ଉଦଘାଟନୀ ଉତ୍ସବକୁ ଚାତକ ଭଳି ଚାହିଁ ବସିଛନ୍ତି ହକି ପ୍ରେମୀ । କାରଣ ଏହି ସମାରୋହରେ ବଲିଉଡର ନାମୀ ଦାମୀ କଳାକାରଙ୍କ ସହ ଓସ୍କାର ବିଜେତା ଏ ଆର ରେହମାନଙ୍କ ସଙ୍ଗୀତରେ ଝୁମିବ କଳିଙ୍ଗ ଷ୍ଟାହିୟମ୍ । ଅନ୍ୟପଟେ ହକି ବିଶ୍ୱକପକୁ ନେଇ କାଉଣ୍ଟ ଡାଉନ ଆରମ୍ଭ ହୋଇଯାଇଥିବା ବେଳେ ଏହାକୁ ସଫଳ କରିବାକୁ ରାଜ୍ୟ ସରକାର ଜୋରଦାର ପ୍ରୟାସ ଚଳାଇଛନ୍ତି ।