ପ୍ରଧାନମନ୍ତ୍ରୀଙ୍କ ସୁରକ୍ଷା ଦାୟିତ୍ୱରେ ଥିବା ଓଡ଼ିଆ ପୁଅଙ୍କୁ ନୂଆ ଦାୟିତ୍ୱ
ଭୁବନେଶ୍ଵର: କେନ୍ଦ୍ରୀୟ ରିଜର୍ଭ ପୁଲିସ ବଳର ଓଡିଶା ଶାଖାର ମହାନିରୀକ୍ଷକ ଭାବେ ଦାୟିତ୍ୱ ନେଇଛନ୍ତି ସଂଗ୍ରାମ କେଶରୀ ମହାନ୍ତି | ଶ୍ରୀ ମହାନ୍ତି ୧୯୮୬ ମସିହାରେ କ୍ୟାଡର ଅଧିକାରୀ ଭାବେ ନିଯୁକ୍ତି ପାଇଥିଲେ | ଉତ୍କଳ ବିଶ୍ୱବିଦ୍ୟାଳୟରୁ ସେ ରାଜନୀତି ବିଜ୍ଞାନରେ ପାଠ ପଢ଼ିସାରିବା ପରେ ଆନ୍ତରିକ ସୁରକ୍ଷା ଏକାଡେମୀରେ ୧୯୮୬ ମସିହାରେ ପ୍ରଶିକ୍ଷଣ ପାଇଥିଲେ | ଏଥିରେ ତାଙ୍କୁ ଉତ୍ତମ ଆଉଟ ଡୋର ପ୍ରଶିକ୍ଷାର୍ଥୀ ଭାବରେ ଘୋଷଣା କରାଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ଶ୍ରୀ ମହାନ୍ତି ଭାରତର ପୂର୍ବୋତ୍ତର କ୍ଷେତ୍ରରେ ଅନୁପ୍ରବେଶ ହେଉ, ଜାମ୍ମୁ କାଶ୍ମୀରର ଆତଙ୍କବାଦୀ କ୍ଷେତ୍ର ଅଞ୍ଚଳରେ ସଫଳତାର ସହ ଶତ୍ରୁଙ୍କୁ ମୁକାବିଲା କରିଥିଲେ | ଯୁବ ଅଧିକାରୀ ଭାବେ ତାଙ୍କର ଭଲ କାମ ଯୋଗୁଁ ଭାରତର ପ୍ରଧାନମନ୍ତ୍ରୀ ତଥା ପୂର୍ବତନ ପ୍ରଧାନମନ୍ତ୍ରୀଙ୍କର ନିରାପତ୍ତା ପାଇଁ ନିୟୋଜିତ କରାଯାଇଥିଲା |
୨୦୦୯ ମସିହାରେ ଶ୍ରୀ ମହାନ୍ତିଙ୍କ ଉଲ୍ଲେଖନୀୟ କାମ ପାଇଁ ପୁଲିସ ମେଡାଲ ମଧ୍ୟ ମିଳିଥିଲା | ତେବେ ଭୁବନେଶ୍ୱରରେ ଏବେ ସିଆରପିଏଫର ମହାନିରୀକ୍ଷକ ଭାବେ ନୂଆ ଦାୟିତ୍ୱ ମିଳିଛି | ଏଠାରେ ସୂଚନା ଥାଉ କି ଓଡ଼ିଶାର ନକ୍ସଲ ପ୍ରଭାବିତ ଅଂଚଳ ମାନଙ୍କରେ ସିଆରପିଏଫ ଯବାନମାନେ ମୁତୟନ ଅଛନ୍ତି |