ଗଜପତି ଜିଲ୍ଲାରେ ଥିବା ସମସ୍ତ ସଙ୍ଗରୋଧ କେନ୍ଦ୍ରରେ ୧୪୪ ଧାରା ଜାରି
ପାରାଳାଖେମୁଣ୍ଡି: କରୋନାଭାଇରସ୍ ବିସ୍ତାରକୁ ରୋକିବା ସହ ସ୍ଥାନୀୟ ଲୋକଙ୍କ ଦ୍ୱାରା ସୃଷ୍ଟି ହେଉଥିବା ଅପ୍ରୀତିକର ପରିସ୍ଥିତିକୁ ଏଡାଇବା ପାଇଁ ଗଜପତି ଜିଲ୍ଲା ପ୍ରଶାସନ ଆଜି ସମସ୍ତ ଅସ୍ଥାୟୀ ମେଡିକାଲ କ୍ୟାମ୍ପ (ଟିଏମସି) ଏବଂ ସଙ୍ଗରୋଧ କେନ୍ଦ୍ର ନିକଟରେ ଧାରା ୧୪୪ଅନୁଯାୟୀ ନିଷେଧାଦେଶ ଜାରି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆଦେଶ ଅନୁଯାୟୀ, ଅସ୍ଥାୟୀ ମେଡିକାଲ କ୍ୟାମ୍ପ (ଟିଏମସି) ଏବଂ ସଙ୍ଗରୋଧ କେନ୍ଦ୍ରଗୁଡ଼ିକର ୧୦୦ମିଟର ପରିଧି ମଧ୍ୟରେ ଏହି ପ୍ରତିବନ୍ଧକ ବଳବତ୍ତର ରହିବ | ଏହା ସହିତ ସମ୍ପୃକ୍ତ ଜିଲ୍ଲା ଅଧିକାରୀଙ୍କ ବିନା ଅନୁମତିରେ କୌଣସି ବ୍ୟକ୍ତିଙ୍କୁ ସେହି ଅଂଚଳରେ ପ୍ରବେଶ କରିବାକୁ ଅନୁମତି ଦିଆଯିବ ନାହିଁ |
ଏହି ନିର୍ଦ୍ଦେଶର ପାଳନକୁ ନିଶ୍ଚିତ କରିବାକୁ ପୁଲିସ ତଥା ସମସ୍ତ ଅସ୍ଥାୟୀ ମେଡିକାଲ କ୍ୟାମ୍ପ (ଟିଏମସି) ଏବଂ ସଙ୍ଗରୋଧ କେନ୍ଦ୍ର ଦାୟିତ୍ୱରେ ଥିବା ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି। ଉଲ୍ଲଂଘନକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲାପାଳ ଅନୁପମ ସାହା କହିଛନ୍ତି।
ଆଜି ଗଜପତି ଜିଲ୍ଲାରୁ ୬ଜଣ କରୋନା ରୋଗୀଙ୍କୁ ଚିହ୍ନଟ କରାଯାଇଛି | ଏହା ସହିତ ଜିଲ୍ଲାର ମୋଟ ମାମଲା ୧୦କୁ ବୃଦ୍ଧି ପାଇଛି | ମହାରାଷ୍ଟ୍ରରୁ ଫେରିଥିବା ଏହି ସମସ୍ତ ରୋଗୀଙ୍କୁ ସଙ୍ଗରୋଧ କେନ୍ଦ୍ର ରଖାଯାଇଥିଲା ବୋଲି ଜଣା ପଡିଛି |