ଆରଟିଓ ଅଫିସକୁ ଛାଡ଼ି ବରଗଡ଼ ଜିଲ୍ଲାର ଅନ୍ୟ ସମସ୍ତ ସରକାରୀ ଅଫିସ ବନ୍ଦ
ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ବରଗଡ଼ ଜିଲ୍ଲା ଓକିଲ ସଂଘର ପଦକ୍ଷେପ
ବରଗଡ଼ :ବରଗଡ଼ ଜିଲ୍ଲା ଓକିଲ ସଂଘ ଆଜି ଜିଲ୍ଲାରେ ଥିବା ସମସ୍ତ ରାଜସ୍ବ ବିଭାଗର କାର୍ଯ୍ୟାଳୟଗୁଡ଼ିକୁ ବନ୍ଦ କରିଥିବା ଜଣାଯାଇଛି।
ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ପ୍ରସଙ୍ଗରେ ଏଭଳି ପଦକ୍ଷେପ ନେଇଛି ବରଗଡ଼ ଜିଲ୍ଲା ଓକିଲ ସଂଘ । ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଗତକାଲିଠାରୁ ଆନ୍ଦୋଳନ ଆରମ୍ଭ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଗତକାଲି କେବଳ ଅଦାଲତ ବନ୍ଦ ରହିଥିଲା ଏବଂ ଓକିଲମାନେ କାର୍ଯ୍ୟବନ୍ଦ କରିଥିଲେ। ହେଲେ ଆଜି ଆରଟିଓ ଅଫିସକୁ ଛାଡ଼ି ଜିଲ୍ଲାର ସମସ୍ତ ସରକାରୀ ଅଫିସ ବନ୍ଦ ରହିଥିବା ଜଣାଯାଇଛି । ଏପରିକି ଜିଲ୍ଲାପାଳଓ ଉପଜିଲ୍ଲାପାଳଙ୍କ କାର୍ଯ୍ୟାଳୟ ମଧ୍ୟ ଏଥିରୁ ବାଦ ପଡ଼ିନଥିବା ଜଣାଯାଇଛି । ତେବେ ଜିଲ୍ଲାରେ ଗାଡ଼ି ଚଳାଚଳ ଅବ୍ୟାହତ ରହିଛି।
ଆଜିଠାରୁ ଆସନ୍ତା ୩୦ ତାରିଖଯାଏଁ ଏହି କାର୍ଯ୍ୟବନ୍ଦ ଆନ୍ଦୋଳନ ସହ ଅର୍ଥନୈତିକ ଅବରୋଧ ଚାଲିବ । ଏହି ଦାବି ପୂରଣ ନହେଲେ ଆଗାମୀ ଦିନରେ ଏହି ଆନ୍ଦୋଳନ ତୀବ୍ରତର ହେବ ବୋଲି ବରଗଡ଼ ଜିଲ୍ଲା ଓକିଲ ସଂଘ ପକ୍ଷରୁ ଚେତାବନୀ ଦିଆଯାଇଛି ।