ରାଉରକେଲା: ରାଉରକେଲାରେ ଥିବା ଏନ୍ଆଇଟି (ନାସନାଲ ଇନଷ୍ଟିଚ୍ୟୁଟ ଅଫ୍ ଟେକ୍ନୋଲୋଜି) ପରିସରରେ ଜଣେ ପ୍ରଫେସର ଓ ତାଙ୍କ ପତ୍ନୀ ଆତ୍ମହତ୍ୟା କରିଥିବା ଖବର ଚାଞ୍ଚଲ୍ୟ ସୃଷ୍ଟି କରିଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ଲାଇଫ୍ ସାଇନ୍ସ ବିଭାଗର ଆସୋସିଏଟ୍ ପ୍ରଫେସର ଆର୍ ଜୟ ବାଲାନ (୩୮) ଓ ତାଙ୍କ ପତ୍ନୀ (୩୫) ଆତ୍ମହତ୍ୟା କରିଛନ୍ତି। ସେ ଦୁହିଁଙ୍କର ବାହାଘର ପ୍ରାୟ ନଅ ବର୍ଷ ତଳେ ହୋଇଥିଲା। ଗତ ଦୁଇ ଦିନ ହେଲା ପ୍ରଫେସର ଆର ଜୟ ବାଲାନଙ୍କ ଘର କବାଟ ବନ୍ଦ ଥିଲା। ଏଣୁ ପଡ଼ୋଶୀଙ୍କର ସନ୍ଦେହ ହେଲା। ତା’ପରେ ସେ କବାଟ ବାଡ଼େଇ ଡାକଥିଲେ। କିନ୍ତୁ କେହି ନ ଶୁଣିବାରୁ ପଡ଼ୋଶୀମାନେ ରାଉରକେଲାର ସେକ୍ଟର-୩ ଥାନାକୁ ଖବର ଦେଇଥିଲେ।
ଘଟଣା ସ୍ଥଳରେ ଥାନା ଅଧିକାରୀ ପହଞ୍ଚିବାପରେ କ୍ୱାର୍ଟରର କବାଟ ଭଙ୍ଗା ଯାଇଥିଲା ଏବଂ ତା’ଭିତରୁ ପ୍ରଫେସର ଓ ତାଙ୍କ ପତ୍ନୀଙ୍କର ମୃତ ଦେହ ଉଦ୍ଧାର କରାଯାଇଥିଲା। ପତି-ପତ୍ନୀଙ୍କର କୌଣସି ସନ୍ତାନ ନ ଥିଲେ। ପୁଲିସ ଶବ ଦୁଇଟି ବ୍ୟବଚ୍ଛେଦ ଲାଗି ଆର୍ଜିଏଚ୍କୁ ପଠାଇଛି ଏବଂ ତଦନ୍ତ ଆରମ୍ଭ କରିଛି।