ଭୁବନେଶ୍ୱର: ‘ସମ୍ବାଦ’ ସହଯୋଗରେ ଆୟୋଜିତ ଟାଟା ଷ୍ଟିଲ୍ ଭୁବନେଶ୍ୱର ସାହିତ୍ୟୋତ୍ସବର ଚତୁର୍ଥ ସଂସ୍କରଣ ଆଜି ଉଦଯାପିତ ହୋଇଛି ଓ ଏଥି ସହିତ ସାହିତ୍ୟ ଓ ରଚନାତ୍ମକ ସନ୍ଧାନର ତିନିଦିନିଆ ଉତ୍ସବ ପାାଳନ ଶେଷ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ଉତ୍ସବ ଅନେକ ସଂପୃକ୍ତି ଭିତ୍ତିକ ଅଧିବେଶନରେ ଭରପୁର ଥିଲା ଯେଉଁଥିରେ ସାହିତ୍ୟଠାରୁ ଆରମ୍ଭ କରି ମଂଚ, ନୃତ୍ୟ, ସଙ୍ଗୀତ, ସାମ୍ବାଦିକତା ଓ ପରଫରର୍ମିଂ ଆର୍ଟ ଭଳି ଅନେକ ବିଷୟ ଉପରେ ଆଲୋକପାତ କରାଯାଇଥିଲା । ଗତକାଲି ନିଜ ଲେଖା ପାଇଁ ମିଳିଥିବା ପ୍ରେରଣା ବିଷୟରେ ଏକ ମନମୁଗ୍ଧକର ଅଧିବେଶନରେ ଆଲୋଚନା କରିଥିବା କିମ୍ବଦନ୍ତୀ ଲେଖକ ରସ୍କିନ ବଣ୍ଡ ଆଜି ସାମ୍ବାଦିକତା ଲେଖା ପାଇଁ କ’ଣ ଆବଶ୍ୟକ ତାହା ଉପରେ ଆଲୋଚନା କରିିଥିଲେ । ଖବର ରିପୋର୍ଟ ଓ ଚିନ୍ତାଧାରା ବିଷୟରେ ଲେଖିବାର କଳା ଏବଂ ପାଠକମାନଙ୍କୁ ଆକର୍ଷିତ କରିବା ପାଇଁ କିଭଳି ଭାଷା, ସୂକ୍ଷ୍ମ ଓ ଶବ୍ଦର ଖେଳ ବିଷୟରେ ଆଲୋଚନା କରିଥିଲେ । ବିଶିଷ୍ଟ ଲେଖକ ଆତିସ ତାସିରଙ୍କ ଅଧିବେଶନ ଭାଷା ପାଇଁ ଲେଖକ-ସାମ୍ବାଦିକତାଙ୍କ ପ୍ରେମ ଉପରେ ପର୍ଯ୍ୟବେସିତ ୍ଥିଲା । ସଂସ୍କୃତର ମୂଳକୁ ବୁଝିବା ପାଇଁ ସେ କିଭଳି ପବିତ୍ର ସହର ବାରାଣାସୀ ସାରା ଯାତ୍ରା କରିଥିଲେ ତାହାକୁ ସେ ଆମୂଳଚୂଳ ଆଲୋଚନା କରିଥିଲେ ।
ଏହି ତିନିଦିନିଆ ମହୋତ୍ସବର ଉଦଯାପନୀ ଦିନରେ ଏଭଳି କିଛି କାର୍ଯ୍ୟକ୍ରମ ଆୟୋଜନ କରାଯାଇଥିଲା ଯାହା ଏକ ସାହିତ୍ୟୋତ୍ସବ ପାଇଁ ସ୍ୱତନ୍ତ୍ର ଥିଲା । ବିଶିଷ୍ଟ ପକ୍ଷୀ ବିଶେଷଜ୍ଞ ବିକ୍ରମ ଗ୍ରିୱାଲ୍ ଏକ ଅଧିବେଶନର ପରିଚାଳନା କରିଥିଲେ ଯାହା ନିରନ୍ତର ଭବିଷ୍ୟତ ବିଷୟରେ ଭାବିବା ପାଇଁ ଲୋକମାନଙ୍କୁ ବାଧ୍ୟ କରିଥିଲା । ସେ ସଂରକ୍ଷଣର ଗୁରୁତ୍ୱ ଓ ଅଂଚଳର ସ୍ୱଦେଶୀ ଜୀବମାନଙ୍କ ସୁରକ୍ଷାର ଆବଶ୍ୟକତା ବିଷୟରେ ଆଲୋଚନା କରିଥିଲେ । ଓଡ଼ିଶାର ସାହିତ୍ୟ ଓ ସଂସ୍କୃତିର ପ୍ରଚାର ପାଇଁ ପ୍ରତିବଦ୍ଧତାର ଅନୁରୂପ ଏହି ଉତ୍ସବରେ ବିଭିନ୍ନ କ୍ଷେତ୍ରର ବିଶିଷ୍ଟ ବ୍ୟକ୍ତିବିଶେଷଙ୍କୁ ନେଇ ତିନିଟି ଅଧିବେଶନ ଆୟୋଜନ କରାଯାଇଥିଲା ଯାହା ଇତିହାସ ଓ ପରିଚୟ ଉପରେ ପର୍ଯ୍ୟବେସିତ ଥିଲା ।
ଉଦଯାପନୀ ସମାରୋହରେ ପୁରସ୍କାରପ୍ରାପ୍ତ ଗାୟିକା ରେଖା ଭରଦ୍ୱାଜଙ୍କ ମନମୁଗ୍ଧକର ପ୍ରଦର୍ଶନ ଦେଖିବାକୁ ମିଳିଥିଲା । ସେ ନିଜର ଲୋକପ୍ରିୟ ଗୀତଗୁଡ଼ିକୁ ପରିବେଷଣ କରିବା ବେଳେ ଭରପୁର ଦର୍ଶକ ମହଲ ବିମୋହିତ ହୋଇପଡ଼ିଥିଲେ । “ଭୁବନେଶ୍ୱର ଲୋକମାନଙ୍କ ଏଭଳି ସମର୍ଥନ ମିଳିଥିବା ଦେଖି ବହୁତ ଖୁସି ଲାଗୁଛି ବୋଲି ଟାଟା ଷ୍ଟିଲ୍ ଉପସଭାପତି (କଂଚାମାଲ) ଅରୁଣ ମିଶ୍ର କହିଛନ୍ତି । “ଟାଟା ଷ୍ଟିଲ୍ର ନିରନ୍ତର ଅଭିବୃଦ୍ଧିର ବାହକ ହେଉଛି ସମାଜ ସହିତ ଏହାର ଜାରି ରହିଥିବା ସଂପୃକ୍ତି । ଏହି ସାହିତ୍ୟୋତ୍ସବ ଯାହା ସମୟ ସହିତ ବଡ଼ ଓ ବ୍ୟାପକ ହୋଇଥିବା ହେଉଛି ଏହି ପ୍ରତିବଦ୍ଧତାର ଏକ ପ୍ରମୁଖ ଦିଗ । ଏଭଳି କାର୍ଯ୍ୟକ୍ରମ ଆୟୋଜନ କରିବା ଟାଟା ଷ୍ଟିଲ୍ ପାଇଁ ସୌଭାଗ୍ୟର ବିଷୟ ଓ ଅଂଶଗ୍ରହଣ ଜରିଆରେ ସେମାନଙ୍କ ସମର୍ଥନ ଜାରି ରଖିଥିବା ଓଡ଼ିଶାବାସୀଙ୍କୁ ମୁଁ ଧନ୍ୟବାଦ ଜଣାଉଛି । ଆମେ ପୁଣି ଥରେ ଆସନ୍ତା ବର୍ଷ ଫେରିବୁ ଓ ଏହି କାର୍ଯ୍ୟକ୍ରମକୁ ଆହୁରି ଉଚ୍ଚକୁ ନେଇଯିବୁ ।,’’