‘ସୁନ୍ଦରୀ’ ଝାମ୍ପିନେଲା

0 998

ପାଇକସାହି : ଶିକାର ପାଇଁ ସାତକୋଶିଆ ଜଙ୍ଗଲ ଡେଇଁ ଆଠମଲ୍ଲିକକୁ ଯାଇଛି ବାଘୁଣୀ ‘ସୁନ୍ଦରୀ’। ବାଛୁରୀ ଖାଇବା ନିଶାରେ ଚଣାଗୋଡ଼ିନାଳର ପ୍ରଖର ପାଣିକୁ ପାର୍‌ କରିଛି। ୮/୯ମାସର ବାଛୁରୀ ଛୁଆକୁ ଗୋଚର ଭୂଇଁରୁ ଟେକି ନେଇ ଶିକାର କରିଛି। ଆଠମଲ୍ଲିକ ବନଖଣ୍ଡ ଧଣ୍ଡାତୋପା ରେଞ୍ଜ୍‌ ବିପ୍ରଡିହ ଗାଁ ନିକଟରେ ଗତ ସୋମବାର ଦିନ ଦ୍ୱିପ୍ରହରରେ ଘଟିଥିବା ଏହି ଘଟଣା ସ୍ଥାନୀୟ ଲୋକଙ୍କୁ କେବଳ ଭୟଭୀତ କରିଛି।

Panda Mobile only

ଉଲ୍ଲେଖଯୋଗ୍ୟ, ସାତକୋଶିଆ ଓ ଆଠମଲ୍ଲିକ ବନଖଣ୍ଡର ସୀମାନ୍ତ ଗାଁ ହେଉଛି ବିପ୍ରଡିହ। ଉଭୟ ଜଙ୍ଗଲ ମଝିରେ ସୀମା ନିର୍ଧାରଣ କରୁଛି ଚଣାଗୋଡ଼ିନାଳ। ବର୍ଷା ଯୋଗୁ ନାଳ ପାଣି ବେଶ୍‌ ପ୍ରଖର ରହିଛି । ବିପ୍ରଡିହ ଗାଁର ଗୋଟିଏ ପାର୍ଶ୍ୱ ବିଲ ହୋଇଥିବା ବେଳେ ଅନ୍ୟ ପାଖ ଜଙ୍ଗଲ। ନାଳ ପାଖ ଇଲାକାରେ ଗାଁ ପାଇଁ ଗୋଟିଏ ଗୋଚର ଭୂଇଁ ଅଛି। ଗାଁର ଗାଈବାଛୁରୀ ସବୁ ସେଠାରେ ଚରନ୍ତି। ବିଶ୍ୱସ୍ତ ସୂତ୍ରର ସୂଚନା ମୁତାବକ, ଗାଈବାଛୁରୀଙ୍କୁ ଦେଖି ବାଘୁଣୀ ବିପ୍ରଡିହ ଆଡ଼କୁ ମୁହାଁଇଥିଲା। ପ୍ରଖର ପାଣି ସ୍ରୋତ ସତ୍ତ୍ୱେ ନାଳ ଡେଇଁଥିଲା ବାଘୁଣୀ। ଗାଁ ଠାରୁ ପ୍ରାୟ ଦୁଇ କିଲୋମିଟର ଦୂରରେ ଗାଈବାଛୁରୀ ସବୁ ଚରୁଥିବା ବେଳେ ଅପରାହ୍‌ଣ ପ୍ରାୟ ସାଢ଼େ ୨ଟା ବେଳେ ଝାମ୍ପ ମାରିଥିଲା ବାଘୁଣୀ। ଘଟଣାକୁ ଆଠମଲ୍ଲିକ ବନଖଣ୍ଡ ଅଧିକାରୀ ସମ୍ୟକ ସାମନ୍ତରାୟ ସ୍ୱୀକାର କରିଛନ୍ତି। ଅନ୍ୟପକ୍ଷରେ, ଏହି ଘଟଣା ସ୍ଥାନୀୟ ଅଞ୍ଚଳରେ ଆତଙ୍କ ଖେଳାଇ ଦେଇଛି।

ସମ୍ବନ୍ଧିତ ଖବର

Leave A Reply

Your email address will not be published.