ଆଜି ଟିଟିଲାଗଡ଼ରେ ସର୍ବାଧିକ ୪୪ ଡିଗ୍ରି ସେଲସିୟସ ତାପମାତ୍ରା ରେକର୍ଡ
ଭୁବନେଶ୍ୱର: ସମଗ୍ର ପଶ୍ଚିମ ଓଡ଼ିଶା ସମେତ ରାଜ୍ୟର ବିଭିନ୍ନ ସ୍ଥାନରେ ଆଜି ସୂର୍ଯ୍ୟଙ୍କ ପ୍ରଖର କିରଣ ଦେଖିବାକୁ ମିଳିଛି । ମୁଣ୍ଡଫଟା ଖରା ଯୋଗୁଁ ରାସ୍ତାଗୁଡ଼ିକ ଖାଁ ଖାଁ ଲାଗିଛି । ରାଜ୍ୟର ୧୪ଟି ସହରର ତାପମାତ୍ରା ୪୪ ଡିଗ୍ରିରୁ ଅଧିକ ରେକର୍ଡ କରାଯାଇଛି । ଟିଟିଲାଗଡ଼ରେ ସର୍ବାଧିକ ୪୪ଡିଗ୍ରି ସେଲସିୟସ ତାପମାତ୍ରା ରେକର୍ଡ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ ବିଭାଗର ପକ୍ଷରୁ ଦିଆଯାଇଥିବା ସୂଚନା ଅନୁସାରେ ବଲାଙ୍ଗୀର ଜିଲ୍ଲାରେ ୪୩.୫ ଡିଗ୍ରି, ଅନୁଗୁଳ ଜିଲ୍ଲାରେ ୪୩.୧ ଡିଗ୍ରି, ବୌଦ୍ଧ ଓ ସମ୍ବଲପୁରରେ ୪୩ ଡିଗ୍ରି, ତାଳଚେର, ହୀରାକୁଦ ଓ ଝାରସୁଗୁଡ଼ାରେ ୪୨.୬ ଡିଗ୍ରି ସେଲସିୟସ ତାପମାତ୍ରା ରେକର୍ଡ ହୋଇଛି ।
ସେହିପରି ସୋନପୁରରେ ଆଜି ୪୨.୮ ଡିଗ୍ରି, ଭବାନୀପାଟଣାରେ ୪୨.୫ ଡିଗ୍ରି, ମାଲକାନଗିରିରେ ୪୨ ଡିଗ୍ରି, ସୁନ୍ଦରଗଡ଼ରେ ୪୧ ଡିଗ୍ରି, ଫୁଲବାଣୀରେ ୪୧.୪ ଓ ପାରଳାଖେମୁଣ୍ଡିରେ ୪୧.୨ ଡିଗ୍ରି ତାପମାତ୍ରା ରେକର୍ଡ ହୋଇଛି ।