ବାଇକ ଓ ଟ୍ରାକ୍ଟର ଧକ୍କା, ଜଣେ ମୃତ ଜଣେ ଗୁରୁତର
ନବରଙ୍ଗପୁର : ନବରଙ୍ଗପୁର ସହରଠାରୁ ମାତ୍ର ୨କିମି ଦୂର ସଦର ବ୍ଲକର ଅଗ୍ନିପୁର ପଞ୍ଚାୟତର ଶାସନ ଗାଁ ନିକଟରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ବାଇକ ଓ ଟ୍ରାକ୍ଟର ଧକ୍କାରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଭାବେ ଆହତ ହୋଇଛନ୍ତି। ସଦର ବ୍ଲକ ଚଟାହାଣ୍ଡି ଗ୍ରାମର ୨ ଜଣ ଯୁବକ ଖଗପତି ତନ୍ତି (୨୩) ଓ ରୂପଧର ଚଣ୍ଡାଳ (୧୮) ବୋଲି ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଦୁହେଁ ଏକ ବାଇକ ଯୋଗେ ଆଜି ନବରଙ୍ଗପୁରରୁ ଚଟାହାଣ୍ଡି ଅଭିମୁଖେ ଯାଉଥିଲେ। ଶାସନ ଗାଁ ନିକଟରେ ଗୋଟିଏ ଟ୍ରାକ୍ଟର ଓ ବାଇକ ମଧ୍ୟରେ ଧକ୍କା ହୋଇଥିଲା। ବାଇକରେ ଯାଉଥିବା ଖଗପତି ତନ୍ତି ଓ ରୂପଧର ଚଣ୍ଡାଳ ଉଭୟେ ରାସ୍ତା କଡରେ କଚାଡି ହୋଇ ପଡିଯାଇଥିଲେ। ଏହି ଦୁର୍ଘଟଣା ପରେ ରାସ୍ତାରେ ଯାଉଥିବା ଯାତ୍ରୀମାନେ ୧୦୮ ଆମ୍ବୁଲାନସକୁ ଖବର ଦେଇଥିଲେ।
୧୦୮ ଆମ୍ବୁଲାନସ ସାହାଯ୍ୟରେ ଦୁହିଁଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ କୋରାପୁଟ ମେଡିକାଲ କଲେଜକୁ ସ୍ଥାନାନ୍ତର କରାଯାଇଥିଲା। କୋରାପୁଟ ମେଡିକାଲରେ ରୂପଧରଙ୍କୁ ଡାକ୍ତର ମୃତ୍ୟୁ ଘୋଷଣା କରିଥିଲେ। ଖଗପତି କୋରାପୁଟ ମେଡିକାଲରେ ଚିକିତ୍ସିତ ହେଉଛନ୍ତି।