ଟ୍ରେନ୍ ଚେନ୍ ପୁଲ୍ କରି କଣ୍ଟାବାଞ୍ଜି ଷ୍ଟେସନରେ ଓହ୍ଲାଇ ଫେରାର ହେବାର ଉଦ୍ୟମ କରୁଥିଲେ ୩୦୫ ପ୍ରବାସୀ ଶ୍ରମିକ, ସମସ୍ତଙ୍କୁ ଅଟକ ରଖିଲା ପୁଲିସ୍
କଣ୍ଟାବାଞ୍ଜି: ଟ୍ରେନ୍ ଚେନ୍ ପୁଲ୍ କରି କଳାହାଣ୍ଡି, ବଲାଙ୍ଗୀର ଓ ନୂଆପଡ଼ା ଜିଲ୍ଲାର ୩୦୫ ପ୍ରବାସୀ ଶ୍ରମିକ କଣ୍ଟାବାଞ୍ଜି ଷ୍ଟେସନରେ ଓହ୍ଲାଇ ପଡ଼ିଥିବା ଘଟଣା ଚାଞ୍ଚଲ୍ୟ ସୃଷ୍ଟି କରିଛି।
Sambad is now on WhatsApp
Join and get latest news updates delivered to you via WhatsApp
ବାହାରେ ଫସିଥିବା ପ୍ରବାସୀ ଶ୍ରମିକମାନଙ୍କୁ ସରକାର ନିଜ ଅଞ୍ଚଳ କୁ ଆଣିବାର ବ୍ୟବସ୍ଥା କରୁଛି । ଅନେକ ସ୍ୱତନ୍ତ୍ର ଟ୍ରେନ ଯୋଗେ ଲୋକେ ଆସୁଛନ୍ତି । ତେବେ ଆଜି ସୁରତରୁ ନିର୍ଗୁଣ୍ଡି ଆସୁଥିବା ଏକ ସ୍ୱତନ୍ତ୍ର ଟ୍ରେନର ଚେନ ପୁଲିଙ୍ଗ କରି ୩୦୫ ଶ୍ରମିକ କଣ୍ଟାବାଞ୍ଜି ରେଳ ଷ୍ଟେସନରେ ଓହ୍ଲାଇ ଫେରାର ହେବାର ଉଦ୍ୟମ କରୁଥିଲେ । ସ୍ଥାନୀୟ ଲୋକ ଏନେଇ ପୁଲିସକୁ ଖବର ଦେବା ପରେ ତୁରନ୍ତ ପୁଲିସ ସେମାନଙ୍କୁ ଅଟକ ରଖିଛି ।
ପ୍ରାପ୍ତ ସୂଚନା ଅନୁଯାୟୀ, ଏମାନଙ୍କ ଭିତରେ ନୂଆପଡ଼ା ଜିଲ୍ଲାର ୨୮୩ , କଳାହାଣ୍ଡି ର ୫ ଓ ବଲାଙ୍ଗୀର ଜିଲ୍ଲାର ୧୭ଜଣ ପ୍ରବାସୀ ଶ୍ରମିକ ଥିବା ଜଣାଯାଇଛି । ସମସ୍ତ ଶ୍ରମିକ ସୁରତ ଫେରନ୍ତା ବୋଲି ଜଣାଯାଇଛି । ନିର୍ଗୁଣ୍ଡିରେ ଟ୍ରେନ ଓହ୍ଲାଇ ଶ୍ରମିକ ମାନଙ୍କୁ ବସ ଯୋଗେ ନିଜ ଅଞ୍ଚଳ ଆଣିବାର ସବୁ ବ୍ୟବସ୍ଥା କରାଯାଇଥିଲା। ହେଲେ ସେମାନେ ବାଟରେ ନିଜର ନିକଟସ୍ଥ ରେଳ ଷ୍ଟେସନରେ ଓହ୍ଲାଇ ଘରକୁ ଯିବାର ଉଦ୍ୟମ କରିଥିଲେ।