କୁଲଡିହାରେ ହାତୀକୁ ମାରି ଦାନ୍ତ ତାଡ଼ି ନେବା ଘଟଣା, ଦୁଇ ବନ କର୍ମଚାରୀ ନିଲମ୍ବିତ
ନୀଳଗିରି : ବାଲେଶ୍ବର ଜିଲ୍ଲା ନୀଳଗିରି ଉପଖଣ୍ତ ଅନ୍ତର୍ଗତ କୁଲଡିହା ଅଭୟାରଣ୍ୟରେ ଏକ ଦନ୍ତାହାତୀକୁ ମାରି ଶିକାରୀମାନେ ଦାନ୍ତ ତାଡ଼ି ନେଇଥିଲେ। ଏହି ଘଟଣାରେ ଆଜି ବନ ବିଭାଗର ଦୁଇଜଣ କର୍ମଚାରୀଙ୍କୁ କାର୍ଯ୍ୟରୁ ନିଲମ୍ବନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ; ଅଭୟାରଣ୍ୟର କୁଲଡିହା-୧ ବିଟ୍ ହାଉସ୍ ନିକଟ ଭାଲୁବସା ଜଙ୍ଗଲରେ ଗତ ୫ ତାରିଖ ସକାଳେ ଏକ ହାତୀର ମୃତଦେହ ଦେଖିବାକୁ ମିଳିଥିଲା। ହାତୀଟିକୁ ୫/୬ ଦିନ ତଳେ ମରାଯାଇଥଲା ଏବଂ ତା’ର ଦୁଇଟି ଦାନ୍ତକୁ ଶିକାରୀମାନେ ତାଡ଼ି ନେଇଥିଲେ। ବିଭାଗ ପକ୍ଷରୁ ହାତୀ ମୃତ୍ୟୁ ନେଇ ଏକ ମାମଲା ରୁଜୁ କରାଯାଇଥିବା ବେଳେ ଆଜି ପ୍ରାଥମିକ କାର୍ଯ୍ୟାନୁଷ୍ଠାନ ସଦୃଶ କୁଲଡିହା-୧ ବିଟ୍ ହାଉସ୍ ଫରେଷ୍ଟର କିଶୋର ଭୂୟାଁ ଓ ଫରେଷ୍ଟ ଗାର୍ଡ ଲାଲମୋହନ ସିଂଙ୍କୁ ଚାକିରିରୁ ନିଲମ୍ବନ କରାଯାଇଛି। ତେବେ ଚୂଡ଼ାନ୍ତ ରିପୋର୍ଟ ଆସିବା ପରେ ଯାହାକିଛି ଶୃଂଖଳାଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି ବାଲେଶ୍ବର ଡିଏଫ୍ଓ ବିଶ୍ବରାଜ ପଣ୍ତା ଗଣମାଧ୍ୟମକୁ କହିଛନ୍ତି।