ଅରୁଣାଚଳ ପ୍ରଦେଶରେ ସିରିଜ୍ ଭୂମିକମ୍ପ, ୨୪ ଘଣ୍ଟାରେ ଅନୁଭୂତ ହେଲା ୪ ଥର
ପୂର୍ବ କାମେଙ୍ଗ: ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ ଅରୁଣାଚଳ ପ୍ରଦେଶର ପୂର୍ବ କାମେଙ୍ଗରେ ଆଜି (ଶନିବାର) ଭୋର ସମୟରେ ଭୂମିକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଏହି ଭୂମିକମ୍ପର ତୀବ୍ରତା ୫.୫ ଥିଲା ବୋଲି କୁହାଯାଇଛି । ଗତ ୨୪ ଘଣ୍ଟା ଭିତରେ ଏହା ହେଉଛି ଚତୁର୍ଥ ଭୂମିକମ୍ପ । ତେବେ ମିଳିଥିବା ସୂଚନା ଅନୁସାରେ ଭୂମିକମ୍ପ ଯୋଗୁଁ କୌଣସି କ୍ଷୟକ୍ଷତି ଅଥବା ଧନଜୀବନ ହାନି ଘଟି ନାହିଁ । ପଶ୍ଚିମ କାମେଙ୍ଗ ଜିଲ୍ଲାର ବୋମଡିଲା ଏହି ଭୂମିକମ୍ପର କେନ୍ଦ୍ରସ୍ଥଳ ବୋଲି କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ ଆଜି ଭୋର ୪ଟା ୨୪ ମିନିଟରେ ଭୂପୃଷ୍ଠର ୧୦ କିଲୋମିଟର ଗଭୀରରେ କମ୍ପନ ସୃଷ୍ଟି ହୋଇଥିଲା । ଏହା ଫଳରେ ଅରୁଣାଚଳ ପ୍ରଦେଶରେ ଭୂମିକମ୍ପ ହୋଇଥିବା ବେଳେ ଚୀନ ଓ ଆସାମରେ ମଧ୍ୟ ଏହାର କମ୍ପନ ଅନୁଭୂତ ହୋଇଛି । ଚୀନ ଓ ଆସାମର କିଛି ଅଞ୍ଚଳରେ ବି ଏହାର ପ୍ରଭାବ ପରିଲକ୍ଷିତ ହୋଇଥିବା କୁହାଯାଉଛି । ଆଜି ଭଳି ସମାନ ସ୍ଥାନରେ ଶୁକ୍ରବାର ମଧ୍ୟ ଭୂମିକମ୍ପ ଅନୁଭୂତ ହୋଇଥିଲା । ଗତକାଲି ରିକ୍ଟର ସ୍କେଲରେ ଏହି ଭୂମିକମ୍ପର ତୀବ୍ରତା ଯଥାକ୍ରମେ ୫.୬, ୩.୮ ଏବଂ ୪.୯ ଥିଲା।