ଅଜୟ ଦେବଗନଙ୍କୁ ଟକ୍କର ଦେବାକୁ ଚାହୁଁ ନାହାନ୍ତି ଏହି ନିର୍ମାତା 

ମୁମ୍ବାଇ: ଅନେକ ସମୟରେ ବିଭିନ୍ନ କାରଣରୁ  ଫିଲ୍ମର ରିଲିଜ୍‌ ତାରିଖ ବଦଳିଥାଏ।  ଏବେ ବଲିଉଡର ଆକସନ୍‌ ହିରୋ ଅର୍ଜୁନ କପୁର ଓ ଚୁଲୁବୁଲି ହିରୋଇନ୍‌ ପରିଣୀତ ଚୋପ୍ରାଙ୍କ ଅଭିନୀତ ହିନ୍ଦୀ ସିନେମା ‘ନମସ୍ତେ ଇଂଲାଣ୍ଡ’ର ରିଲିଜ୍‌ ତାରିଖକୁ ବଦଳାଇ ଦିଆଯାଇଛି। ପ୍ରଥମେ ନିର୍ମାତା ବିପୁଲ ଅମ୍ରିତ ଲାଲ ଶାହା ଘୋଷଣା କରିଥିଲେ କି ଏହା ଡିସେମ୍ବର ୭ ତାରିଖରେ ରିଲିଜ୍‌ ହେବ।

ହେଲେ ଆଉ ଡିସେମ୍ବର ୭ ତାରିଖରେ ରିଲିଜ୍‌ ହେବ ନାହିଁ  ‘ନମସ୍ତେ ଇଂଲାଣ୍ଡ’। ଏବେ ଏହାର ନୂଆ ରିଲିଜ୍‌  ତାରିଖ ହେଉଛି ଅକ୍ଟୋବର ୧୯ ତାରିଖ।

‘ନମସ୍ତେ ଇଂଲାଣ୍ଡ’ର ରିଲିଜ୍‌ ତାରିଖ ବଦଳିବାର ପଛରେ ମୁଖ୍ୟ କାରଣ ହେଲା ଡିସେମ୍ବର ୭ ତାରିଖରେ ପ୍ରଖ୍ୟାତ ନିର୍ମାତା-ନିର୍ଦ୍ଦେଶକ ଇନ୍ଦ୍ର କୁମାରଙ୍କ ମଲ୍‌ଟି ଷ୍ଟାରର୍‌ ଫିଲ୍ମ ‘ଟୋଟାଲ୍‌ ଧମାଲ୍‌’ ପରଦାକୁ ଆସୁଛି। ଏଥିରେ ଅନୀଲ କପୁର, ମାଧୁରୀ ଦୀକ୍ଷିତ, ଅଜୟ ଦେବଗନ, ଅରସାଦ୍‌ ଓ୍ଵାରସୀ ଓ ରିତେଶ ଦେଶମୁଖଙ୍କ ପରି ଟପ୍‌ ଷ୍ଟାର୍‌ ଅଛନ୍ତି। ଆଉ ଏକ ବଡ କଥା ହେଲା ଯେ ଏହା ହେଉଛି ‘ଧମାଲ୍‌’ ସିରିଜ୍‌ର ତୃତୀୟ ସିନେମା। ଆଗରୁ ଏହି ସିରିଜର ସବୁ ସିନେମା  ସୁପରହିଟ୍‌ ହୋଇଛି।

ଏଣେ ଅଜୟ ଦେବଗନ୍‌ ତାଙ୍କର ଅନ୍ୟ ଏକ ଫିଲ୍ମର ପୋଷ୍ଟର୍‌ ବି ଲଞ୍ଚ୍‌ କରିଛନ୍ତି। ଏଥିରେ ତବୁଙ୍କ ବିପକ୍ଷରେ ଅଛନ୍ତି । ଫିଲ୍ମର ପୋଷ୍ଟରରେ ପ୍ରଦତ୍ତ ସୂଚନା ଅନୁଯାୟୀ ଅଜୟ ଦେବଗନ୍‌ ଓ ତବୁ ଷ୍ଟାର୍‌ର ଏହି ଫିଲ୍ମ ଦଶହରାରେ ରିଲିଜ୍‌ ହେବ। ଯଦି ଏଭଳି ଘଟେ, ତେବେ ଅର୍ଜୁନ କପୁର -ପରିଣୀତ ଚୋପ୍ରା ଷ୍ଟାରର ‘ନମସ୍ତେ ଇଂଲାଣ୍ଡ’ର ରିଲିଜ୍‌ ତାରିଖ ପୁଣି ବଦଳିବ ବୋଲି କୁହାଯାଉଛି। ଆହୁରି ମଧ୍ୟ ଶୁଣିବାକୁ ମିଳୁଛି ଯେ ଅଜୟ ଦେବଗନଙ୍କ ସାମ୍ନାକୁ ଆସିବାକୁ ଚାହୁଁ ନାହାନ୍ତି ବିପୁଲ।