ଭୁବନେଶ୍ବର: ଭାରତ କ୍ରମଶଃ କରୋନା ଆକ୍ରାନ୍ତ ଦେଶମାନଙ୍କ ତାଲିକାରେ ଉପରକୁ ଉଠୁଛି। ତେଣୁ ଆମକୁ ସାବଧାନ ହେବାକୁ ପଡ଼ିବ। କରୋନା ଭୂତାଣୁ ସଂକ୍ରମିତ ଦେଶ ତାଲିକାରେ ବର୍ତ୍ତମାନ ସମୟରେ ୪୧ ତମ ସ୍ଥାନରେ ଅଛି ଭାରତ । ଏହି ତଥ୍ୟ ଦେଇଛନ୍ତି ସରକାରଙ୍କ ମୁଖ୍ୟ ମୁଖପାତ୍ର ସୁବ୍ରତ ବାଗଚୀ । ସେ କହିଛନ୍ତି, କରୋନା ସଂକ୍ରମିତ ତାଲିକାରେ ବିଶ୍ବର ପ୍ରଥମ ୫ଟି ଦେଶ ଦେଉଛି ଆମେରିକା, ଇଟାଲି, ଚୀନ୍, ସ୍ପେନ୍ ଏବଂ ଜର୍ମାନୀ । କରୋନା ଭୂତାଣୁ ସଂକ୍ରମଣରେ ବିଶ୍ୱରେ ୭ ଲକ୍ଷ ୨୪ ହଜାର ୭୫୯ ଜଣ ଆକ୍ରାନ୍ତ ହୋଇଥିବା ବେଳେ ଗତ ୪୮ ଘଣ୍ଟାରେ ୧ ଲକ୍ଷରୁ ଉର୍ଦ୍ଧ୍ବ ବ୍ୟକ୍ତି ସଂକ୍ରମିତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେହିପରି ଭାରତରେ ଅପରାହ୍ନ ୩ଟା ସୁଦ୍ଧା ୧୦୭୧ ଜଣ ଆକ୍ରାନ୍ତ ଥିବା ବେଳେ ୨୯ ଜଣ ପ୍ରାଣ ହରାଇଛନ୍ତି । ଓଡ଼ିଶାରେ ଏଯାବତ୍ ୩୭୦ଟି ନମୁନା ପରୀକ୍ଷା କରାଯାଇଛି ଓ ସେଥିମଧ୍ୟରୁ ୩ଟି ପଜିଟିଭ ଆସିଛି। ଏହାପରେ ସେ କରେନାକୁ ରୋକିବା ଲାଗି ନିୟମିତ ନିମ୍ନୋକ୍ତ ଅଭ୍ୟାସ ଜାରି ରଖିବାକୁ ଆହ୍ବାନ ଦେଇଛନ୍ତି–
୧-ହାତକୁ ସାବୁନରେ ଚଳନ୍ତା ପାଣିରେ ବାରମ୍ବାର ୨୦ସେକେଣ୍ଡ ଯାଏଁ ଧୁଅନ୍ତୁ |
୨- ବାହାରକୁ ଯାଇ କବାଟ, ଆସବାବପତ୍ର ଓ ଅନ୍ୟ କାହାର ଫୋନ ଛୁଇଁଲେ ହାତ ଧୁଅନ୍ତୁ |
୩- ବାହାରୁ ଘରକୁ ଫେରିବା ପରେ ହାତ ଧୁଅନ୍ତୁ |
୫- ପ୍ରତିଦିନ ବଜାର ସଉଦା ପାଇଁ ଯାଆନ୍ତୁନି | ଦୁଇ/ତିନି ଦିନ ଲାଗି ପରିବାପତ୍ର କିଣି ରଖନ୍ତୁ।
୬– ଘରର ମା,ଭଉଣୀ,ଭାଉଜଙ୍କ ଉପରେ ଅଧିକ ପରିଶ୍ରମର ବୋଝ ପକାନ୍ତୁନି | ଘର କାମରେ ମହିଳାଙ୍କୁ ସହଯୋଗ କରନ୍ତୁ |