ନୂଆଦିଲ୍ଲୀ : ଦେଶରେ କରୋନା ସଂକ୍ରମିତମାନେ ଦ୍ରୁତ ଗତିରେ ଆରୋଗ୍ୟଲାଭ କରୁଛନ୍ତି ଓ ତାହା ଏବେ ୪୨୨୯୮ରେ ପହଞ୍ଚିଛି । ଏହା ସହିତ ଦେଶର ଆରୋଗ୍ୟ ହାର ୪୦ ପ୍ରତିଶତରେ ପହଞ୍ଚିଛି ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲବ ଅଗ୍ରଓ୍ୱାଲ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାରଙ୍କ ଦୈନିକ ସାମ୍ବାଦିକ ସମ୍ମିଳନୀ ଅବସରରେ ସେ କହିଛନ୍ତି ଯେ ଦେଶରେ ଲକଡାଉନ ଆରମ୍ଭ ହେବାବେଳେ ଆରୋଗ୍ୟ ହାର ମାତ୍ର ୭.୧ ପ୍ରତିଶତ ଥିଲା । ୨ୟ ପର୍ଯ୍ୟାୟ କଡାଉନ ବେଳେ ତାହା ୧୧.୪୨ ପ୍ରତିଶତକୁ ବୃଦ୍ଧି ପାଇଲା । ୩ୟ ପର୍ଯ୍ୟାୟ ଲକଡାଉନ ବେଳେ ଆରୋଗ୍ୟହାର ୨୬.୫୯ ପ୍ରତିଶତକୁ ବୃଦ୍ଧି ପାଇଲା । ଏବେ ୪ର୍ଥ ପର୍ଯ୍ୟାୟ ଲକଡାଉନରେ ତାହା ୩୯.୬୨ ପ୍ରତିଶତକୁ ବୃଦ୍ଧି ପାଇଛି ।
ସେ ଆହୁରି ମଧ୍ୟ କହିଛନ୍ତି ଯେ ସମଗ୍ର ବିଶ୍ୱର ଜନସଂଖ୍ୟା ଓ କରୋନା ସଂକ୍ରମିତ ସଂଖ୍ୟାକୁ ଦେଖିଲେ ପ୍ରତି ୧ ଲକ୍ଷ ଜନସଂଖ୍ୟାରେ ୬୨ ଜଣ ଆକ୍ରାନ୍ତ ହୋଇଛନ୍ତି । କିନ୍ତୁ ଭାରତରେ ପ୍ରତି ୧ ଲକ୍ଷ ଜନସଂଖ୍ୟାରେ ମାତ୍ର ୭.୯ ଜଣ ଆକ୍ରାନ୍ତ ହୋଇଛନ୍ତି । ସେହିପରି ବିଶ୍ୱର ପ୍ରତି ୧ ଲକ୍ଷ ଲୋକଙ୍କ ମଧ୍ୟରେ ୪.୨ ଜଣ କରୋନା ସଂକ୍ରମିତ ହୋଇ ମୃତ୍ୟୁବରଣ କରୁଛନ୍ତି, ଯେବେକି ଭାରତରେ ପ୍ରତି ୧ଲକ୍ଷ ଲୋକଙ୍କ ମଧ୍ୟରେ ମାତ୍ର ୦.୨ ଜଣ ମୃତ୍ୟୁବରଣ କରୁଛନ୍ତି ବୋଲି ଶ୍ରୀ ଅଗ୍ରଓ୍ୱାଲ କହିଛନ୍ତି ।