ରାଞ୍ଚି: ପ୍ରେମୀଯୁଗଳ ଲିଭ୍ଇନ୍ ରିଲେସନ୍ସିପ୍ରେ ରହିବା ଏକ ସାଧାରଣ କଥା ହୋଇଗଲାଣି। ଅଧିକାଂଶ ଯୁବକ-ଯୁବତୀ ଲିଭ୍ଇନ୍ ରିଲେସନ୍ରେ ରହିବାକୁ ପସନ୍ଦ କରୁଛନ୍ତି। ଝାଡଖଣ୍ଡରୁ ଏଭଳି ଏକ ପ୍ରେମୀ ଯୁଗଳଙ୍କ କଥା ସାମ୍ନାକୁ ଆସିଛି ଯେଉଁମାନେ ୨୨ବର୍ଷ ହେବ ଲିଭ୍-ଇନ୍ରେ ରହିବା ପରେ ବିବାହ କରିବାର ନିଷ୍ପତ୍ତି ନେଇଥିଲେ। ନିଜ ପୁଅ-ବୋହୂ ଓ ନାତୁଣୀଙ୍କ ସାମ୍ନାରେ ୫୫ବର୍ଷୀୟ ବ୍ୟକ୍ତି ନିଜ ପ୍ରେମିକାକୁ ବିବାହ କରିଥିଲେ। ଏହା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ଘଟଣାଟି ସତ।
Sambad is now on WhatsApp
Join and get latest news updates delivered to you via WhatsApp
ଝାଡଖଣ୍ଡର ରାଜଧାନୀ ରାଞ୍ଚିରେ ଏକ ସାମୁହିକ ବିବାହ ସମାରୋହରେ ଲିଭ୍-ଇନ୍ରେ ରହୁଥିବା କେତେଜଣ ପ୍ରେମୀଯୁଗଳଙ୍କ ବିବାହ ହୋଇଥିଲା। ଏଥିରେ ଏମିତି ଏକ ଯୋଡିଥିଲା, ଯାହାଙ୍କ ଜୀବନ ଓ ପ୍ରେମ କାହାଣୀ ବଡ଼ ବିଚିତ୍ର ଥିଲା। ୫୫ବର୍ଷୀୟ ରାମଲାଲ ମୁଣ୍ଡା ଗତ ୨୨ବର୍ଷ ହେବ ୪୫ବର୍ଷୀୟ ସହୋହରି ଦେବୀଙ୍କ ସହିତ ଲିଭ୍-ଇନ୍ରେ ରହି ଆସୁଥିଲେ। ରାମଲାଲ ଆଦିବାସୀ ସମୁଦାୟର, ସେ ବିବାହ ନକରି ସହୋଦରି ସହିତ ଗୁମଲା ନାମକ ସ୍ଥାନରେ ରହୁଥିଲେ। ଲୋକମାନେ ତାଙ୍କ ସମ୍ପର୍କକୁ ନେଇ ଆପତ୍ତି କରିବାରୁ ଦୁହେଁ ଘାଘରା ଆସି ରହିବାକୁ ଲାଗିଥିଲେ।
ଲିଭ୍-ଇନ୍ରେ ରହିବା ପରେ ଦୁହେଁ ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ। ସେହିପରି ରାମଲାଲ ମୁଣ୍ଡାଙ୍କ ପୁଅ ଜିତେଶ୍ୱରକୁ ୧୯ବର୍ଷର ହୋଇଥିବା ସମୟରେ ସେ ଜଣେ ଯୁବତୀଙ୍କ ପ୍ରେମରେ ପଡ଼ି ଘରୁ ପଳାଇ ଲିଭ୍-ଇନ୍ ରିଲେସନ୍ସିପ୍ରେ ରହିବାକୁ ଲାଗିଥିଲା। ଏ ଦୁହେଁ ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ।
୫୫ବର୍ଷୀୟ ରାମଲାଲ ମୁଣ୍ଡା ଯେତେବେଳେ ଜାଣିଲେ ଲିଭ୍ଇନ୍ରେ ରହୁଥିବା ପ୍ରେମୀଯୁଗଳଙ୍କ ପାଇଁ ରାଞ୍ଚିରେ ଏକ ସମୂହ ବିବାହ ଆୟୋଜନ କରାଯାଉଛି ସେ ବି ନିଜ ସାଥୀ ସହୋଦରି, ନିଜ ପୁଅ-ବୋହୂକୁ ଏବଂ ନାତୁଣୀକୁ ନେଇ ସେହି ସମାରୋହରେ ପହଞ୍ଚିଥିଲେ। ସେଠାରେ ପୁଅ-ବୋହୂ ଓ ନାତୁଣୀ ସମ୍ମୁଖରେ ସହୋଦରୀଙ୍କୁ ବିବାହ କରିଥିଲେ।