ବିଦେଶ ମନ୍ତ୍ରାଳୟର ଖାମଖିଆଲି ମନୋଭାବ : ଓଡ଼ିଆଙ୍କ ଖାଦ୍ୟ ଥାଳିରେ ଡାଲମା, ସନ୍ତୁଳା କି ରସଗୋଲା ନାହିଁ !
ଟ୍ଵିଟ୍ଟରରେ ଝଡ଼
ଭୁବନେଶ୍ୱର( ତପନ ମହାରଣା): ବିଦେଶ ମନ୍ତ୍ରାଳୟ ପକ୍ଷରୁ ଭାରତର ବିଭିନ୍ନ ରାଜ୍ୟ ଓ ସେଗୁଡ଼ିକର ଖାଦ୍ୟର ପ୍ରଚାର ପ୍ରସାର ଉଦ୍ଦେଶ୍ୟରେ ଏକ ସ୍ୱତନ୍ତ୍ର ପଦକ୍ଷେପ ନିଆଯାଇଛି । ଏଥିଲାଗି ମନ୍ତ୍ରାଳୟର ଟ୍ଵିଟର ହାଣ୍ଡଲରେ ‘ଇଣ୍ଡିଆନ ଡିପ୍ଲୋମାସି’ରେ ସବୁ ରାଜ୍ୟର ମୁଖ୍ୟ ଖାଦ୍ୟ ଥାଳିର ଚିତ୍ର ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ତେବେ ବିଦେଶ ବିଭାଗର ଏହି ପଦକ୍ଷେପ ସାମଗ୍ରୀକଭାବେ ବେଶ ପ୍ରସଂଶନୀୟ ହେଲେ ମଧ୍ୟ ସେଥିରେ ରହିଥିବା କେତେକ ତ୍ରୁଟି ଯୋଗୁଁ ଟ୍ଵିଟର ବ୍ୟବହାରକାରୀମାନେ ତାହାକୁ ସମାଲୋଚନା କରିଛନ୍ତି । ଓଡ଼ିଆଙ୍କ ଖାଦ୍ୟ ଥାଳି ଭାବେ ଯେଉଁ ଚିତ୍ର ରହିଛି ତାହା ମୁଖ୍ୟତଃ ଏକ ଉତ୍ତର ଭାରତୀୟ ଥାଳି ପରି ଲାଗୁଛି ।
ଉଦାହରଣ ସ୍ୱରୂପ ଓଡ଼ିଶାର ଯେଉଁ ଖାଦ୍ୟ ଥାଳିର ଚିତ୍ର ଦିଆଯାଇଛି ସେଥିରେ ଅଳ୍ପ କେତୋଟି ଓଡ଼ିଆ ଖାଦ୍ୟ ଥିଲେ ମଧ୍ୟ ଲୋକପ୍ରିୟ ଓଡ଼ିଆ ଖାଦ୍ୟ ଯେପରିକି ଡାଲମା, ସନ୍ତୁଳା ଆଦି ରହିନାହିଁ । ବେଶ ଖାମଖିଆଲି ଢଙ୍ଗରେ ଏହି ତାଲିକା ପ୍ରସ୍ତୁତ କରାଯାଇଥିବା ଅଭିଯୋଗ ହୋଇଛି । ଏହାକୁ ଓଡ଼ିଶାର ଲୋକମାନେ ଟ୍ଵିଟରରେ ସମାଲୋଚନା କରିଛନ୍ତି । ଜଣେ ଓଡ଼ିଆ ବ୍ୟକ୍ତି ଲେଖିଛନ୍ତି ଯେ ଏହା ଏକ ଅସଂପୂର୍ଣ୍ଣ ଥାଳି, କାରଣ ଏଥିରେ ସନ୍ତୁଳା, ଶାଗଭଜା, ବଡ଼ିଚୁରା,ଖଟା, ଖିରୀ ଆଦି ନାହିଁ । ଆଉ ଜଣେ ବ୍ୟକ୍ତି ସଂବିତ୍ ଲେଖିଛନ୍ତି ଯେ, ଓଡ଼ିଆଙ୍କ ପ୍ରିୟ ଖାଦ୍ୟ ପଖାଳକୁ ସାମିଲ କରିଥିଲେ ଭଲ ହୋଇଥାନ୍ତା । ମଂଜୁଳା ନାମକ ବ୍ୟକ୍ତି ଲେଖିଛନ୍ତି ଯେ ଖିରୀ ଓ ରସଗୋଲା ଥିଲେ ଭଲ ହୋଇଥାନ୍ତା ।
Odisha
The thali is simple, less spicy and oily, yet intricately flavoured. No Odia cuisine is complete without rice, fish, seafood and yogurt; with pic.twitter.com/lnhnnlLywc— Indian Diplomacy (@IndianDiplomacy) December 6, 2017
କେବଳ ଓଡ଼ିଶାର ଖାଦ୍ୟ ନୁହେଁ, ଅନ୍ୟ କେତେକ ରାଜ୍ୟର ଖାଦ୍ୟ ତାଲିକାରେ ଥିବା ତ୍ରୁଟି ଯୋଗୁଁ ବୈଦେଶିକ ବ୍ୟାପାର ମନ୍ତ୍ରଣାଳୟକୁ ସମାଲୋଚନାର ଶରବ୍ୟ ହେବାକୁ ପଡିଛି । ଜାମ୍ମୁ ଓ କାଶ୍ମୀର ଥାଳିରେ ବ୍ୟାପକ ତ୍ରୁଟି ଥିବା ଦେଖାଯାଇଛି । କେତେକ ଏହାକୁ କାଶ୍ମୀର ପଣ୍ଡିତମାନଙ୍କ ଥାଳି ବୋଲି କହିଛନ୍ତି । କାଶ୍ମୀର ମୁସଲମାନଙ୍କ ଖାଦ୍ୟକୁ ଉପଯୁକ୍ତ ପ୍ରତିନିଧିତ୍ୱ ଦିଆଯାଇନଥିବା କେତେକ ପାଠକ କହିଛନ୍ତି । କାଶ୍ମୀର ଅଧିବାସୀ କ୍ୱାସାର ଜାନ ସମାଲୋଚନା କରି ଲେଖିଛନ୍ତି ଯେ ଏହି ଥାଳିଟି ଯେପରିଭାବେ ଦେଖାଯାଇଛି କାଶ୍ମୀର ପରିବାରଗୁଡିକରେ ସେପରି ଢଙ୍ଗରେ କେହି ଖାଆନ୍ତି ନାହିଁ । କାଶ୍ମୀରରେ ଖାଦ୍ୟ ସହିତ ତାହା ମିଶୁନାହିଁ, ଏପରିକି କାଶ୍ମୀରର ପାତ୍ର ଗୁଡିକ ମଧ୍ୟ ଅଲଗା ।
ତେବେ ଏସବୁ ତ୍ରୁଟି ସତ୍ତ୍ୱେ ଅନେକ ଲୋକ ବିଭାଗର ଏହି ପଦକ୍ଷେପକୁ ବେଶ ସମର୍ଥନ ମଧ୍ୟ କରିଛନ୍ତି । ଏସବୁ ଥାଳିଗୁଡ଼ିକ ଭାରତର ବିବିଧତା ମଧ୍ୟରେ ଏକତାକୁ ଦର୍ଶାଉଛି ବୋଲି ଲୋକମାନ କହିଛନ୍ତି ।
Gastronomical’s trail!
Enjoy the weekend with our series on the healthy and sumptuous food thalis, celebrating the unique flavour of every Indian state pic.twitter.com/ly2MDUdubA— Indian Diplomacy (@IndianDiplomacy) December 2, 2017