ଆଖିରେ ଦେଖିଲା ଭଳି ବିଶ୍ବର ସବୁଠୁ ବଡ ଜୀବାଣୁ ଆବିଷ୍କୃତ
ସାଧାରଣତଃ ଆମେ ଜୀବାଣୁକୁ ଆଖିରେ ଦେଖିପାରିବାନି। ଏହାକୁ ମାଇକ୍ରୋସ୍କପରେ ହିଁ ଦେଖିହେବ। ହେଲେ ଏବେ ଆଖିରେ ଦେଖାଗଲା ଭଳି ଜୀବାଣୁ ଆବିଷ୍କୃତ ହୋଇଛି। ସାଧାରଣ ଜୀବାଣୁଠାରୁ ଏହା ୫ହଜାର ଗୁଣରେ ବଡ ହୋଇଥିବାବେଳେ ଏହାର ଲମ୍ବ ପ୍ରାୟ ୨ ସେଣ୍ଟିମିଟର ବୋଲି କୁହାଯାଉଛି। ଏହା ଏକ ନୂତନ ପ୍ରଜାତିର ଜୀବାଣୁ। ଏହି ଏକ କୋଷୀ ବିଶିଷ୍ଟ ଜୀବାଣୁ ଏତେ ବଡ ଯେ, ଏହାକୁ ଏକ ସେଣ୍ଟିମିଟର ଲମ୍ବା ମଣିଷର ଆଖିପତା ସହିତ ତୁଳନା କରାଯାଇପାରେ। ଲରେନ୍ସ ବରେଲି ନ୍ୟାସନାଲ ଲାବୋରେଟୋରୀର ଅନୁସନ୍ଧାନ ତଥା ସାମୁଦ୍ରିକ ଜୀବବିଜ୍ଞାନୀ ଜିନ୍-ମାରି ଭୋଲାଣ୍ଡ ଏହାକୁ ଆବିଷ୍କାର କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଥିଓମାରଗରିଟା ମ୍ୟାଗ୍ନିଫିକା ନାମକ ଏହି ଜୀବାଣୁ ପ୍ରଥମେ ଗୁଆଡେଲୁପରେ ଥିବା ୟୁନିଭର୍ସିଟି ଡେସ୍ ଆଣ୍ଟିଲ୍ସର ସାମୁଦ୍ରିକ ଜୀବବିଜ୍ଞାନର ପ୍ରଫେସର ଅଲିଭର ଗ୍ରୋସ ଆବିଷ୍କାର କରିଥିଲେ। ଯେତେବେଳେ ସେମାନେ କାରିବିଆନ୍ ମ୍ୟାଙ୍ଗ୍ରୋଭ୍ ଜଳାଶୟରେ ଫସି ରହିଲେ ସେଠାରେ ଏହି ଜୀବାଣୁ ପାଇଥିଲେ। ପୂର୍ବରୁ ଏହାକୁ ଏକ ଇଉକାରିଓଟ୍ ଭାବରେ ବିବେଚନା କରାଯାଉଥିଲା। ଏଗୁଡ଼ିକ ହେଉଛି ଏକ ପ୍ରକାର କୋଷ ଯାହାକି ପଶୁ ଏବଂ ଉଦ୍ଭିଦ ତିଆରି କରିପାରେ। କିନ୍ତୁ ଯେତେବେଳେ ଏହାକୁ ମାଇକ୍ରୋସ୍କୋପ୍ ତଳେ ଦେଖାଗଲା ଏହାର ଇଉକାରିଓଟିକ୍ ପରି କୋଷ ଦେଖାଯାଉନଥିଲା।
ନ୍ୟୁକ୍ଲିୟସ୍ ଏବଂ ମାଇଟୋକଣ୍ଡ୍ରିଆ ସ୍ପଷ୍ଟ ଭାବରେ ଦେଖାଯାଉଥିଲା। ଅଧିକ ଅନୁସନ୍ଧାନ ପରେ ଏହା ଏକ ଜୀବାଣୁ ବୋଲି ଜଣାପଡିଥିଲା। ଅଧିକାଂଶ ଜୀବାଣୁ କୋଷଗୁଡ଼ିକ ଅତ୍ୟଧିକ ମାଇକ୍ରୋସ୍କୋପିକ୍, ଅର୍ଥାତ୍ ସେମାନଙ୍କର ଲମ୍ବ ପ୍ରାୟ ଦୁଇ ମାଇକ୍ରୋମିଟର। କେତେକ ବଡ଼ ଜୀବାଣୁ ପ୍ରାୟ ୧୦୦ ମାଇକ୍ରୋମିଟର ହୋଇପାରେ। କିନ୍ତୁ ଏହି ନୂତନ ପ୍ରଜାତିର ଜୀବାଣୁର ଲମ୍ବ ୨୦ ହଜାର ମାଇକ୍ରୋମିଟର, ଅର୍ଥାତ୍ ଦୁଇ ସେଣ୍ଟିମିଟର ଲମ୍ବ। ଏହି ଜୀବାଣୁ ମଧ୍ୟ ନଖ ପରି କଠିନ ହୋଇଥିବାବେଳେ ଏହା ମନୁଷ୍ୟ ପାଇଁ କୌଣସି ବିପଦ ନଥିବା ବୈଜ୍ଞାନିକମାନେ କହିଛନ୍ତି।