ଇଣ୍ଡିଗୋରେ ୧୦% କର୍ମଚାରୀ ଛଟେଇ
ମୁମ୍ବାଇ: କରୋନା ମହାମାରୀ ପ୍ରଭାବରେ ଦେଶର ସବୁଠୁ ବଡ଼ ବିମାନ କଂପାନି ଇଣ୍ଡିଗୋ ଏହାର ୧୦% କର୍ମଚାରୀଙ୍କୁ ଛଟେଇ କରିଛି। କଂପାନିର ସିଇଓ ରଣଜୟ ଦତ୍ତ ଏ ସମ୍ପର୍କରେ ସୂଚନା ଦେଇଛନ୍ତି। ସେ କହିଛନ୍ତି, ବର୍ତ୍ତମାନ ସ୍ଥିତି ଯେଉଁଭଳି ଅଛି ସେଠାରୁ ଆଗୁ ବଢ଼ିବାକୁ ହେଲେ ବଳିଦାନ ଦେବାକୁ ପଡ଼ିବ। ବିନା ବଳିଦାନରେ ଆକାଶରେ ଉଡ଼ିବା ସମ୍ଭବପର ହେବ ନୁହେଁ। ସବୁ ବିଷୟକୁ ବିଚାରକୁ ନେବା ଓ ଅନୁଧ୍ୟାନ କରିବା ପରେ ଆମକୁ ୧୦% କର୍ମଚାରୀଙ୍କୁ ଦୁଃଖଦାୟକ ବିଦାୟ ଦେବାକୁ ପଡ଼ିଛି। ଇଣ୍ଡିଗୋ ପାଇଁ ୨୩,୫୩୧ କର୍ମଚାରୀ କାର୍ଯ୍ୟ କରୁଛନ୍ତି। ଅନ୍ୟପକ୍ଷେର ସରକାରୀ ବିମାନ କଂପାନି ଏୟାର ଇଣ୍ଡିଆ ପକ୍ଷରୁ ବେତନ କାଟ କରାଯାଇଥିବାରୁ ପାଇଲଟ୍ ଓ କ୍ୟାବିନ୍ କ୍ରୁମାନେ ତାହାର ପ୍ରତିବାଦ କରିଥିବା ଜଣାପଡ଼ିଛି।