ନୂଆଦିଲ୍ଲୀ: ଦେଶରେ ଆୟକର ରିଟର୍ଣ୍ଣ ଦାଖଲ କରୁଥିବା ବ୍ୟକ୍ତିଙ୍କ ମଧ୍ୟରୁ ପ୍ରାୟ ପାଖାପାଖି ଅଧାଅଧି ଲୋକ ଟଙ୍କାଟେ ଟିକସ ପ୍ରଦାନ କରନ୍ତି ନାହିଁ। ଆୟକର ବିଭାଗର ରିପୋର୍ଟରୁ ଏହି ତଥ୍ୟ ଏବେ ପଦାକୁ ଆସିଛି। ୨୦୧୪-୧୫ ଆର୍ଥିକ ବର୍ଷରେ ମୋଟ ୪ କୋଟି ୧୦ ଲକ୍ଷ ଭାରତୀୟ ଆୟକର ରିଟର୍ଣ୍ଣ ଦାଖଲ କରିଥିବାବେଳେ ଏମାନଙ୍କ ମଧ୍ୟରୁ ମାତ୍ର ୨ କୋଟି ରିଟର୍ଣ୍ଣ ଦାଖଲକାରୀ ସେମାନଙ୍କ ଟିକସଯୋଗ୍ୟ ଆୟ ଶୂନ ବୋଲି ଘୋଷଣା କରିଛନ୍ତି। ଦେଶର ଜନସଂଖ୍ୟାକୁ ହିସାବକୁ ନେଲେ କେବଳ ୩ ପ୍ରତିଶତ(୪.୧ କୋଟି) ଭାରତୀୟ ଉକ୍ତ ବର୍ଷ ଆୟକର ରିଟର୍ଣ୍ଣ ଦାଖଲ କରିଛନ୍ତି। ତେବେ କେବଳ ୧.୬ ପ୍ରତିଶତ ଭାରତୀୟ ବସ୍ତୁତଃ ଆୟକର ପ୍ରଦାନ କରିଥାନ୍ତି।
Sambad is now on WhatsApp
Join and get latest news updates delivered to you via WhatsApp
ଏତଦ୍ବ୍ୟତୀତ ଟିକସ ପ୍ରଦାନ କରୁଥିବା ୨ କୋଟି ୧୦ ଲକ୍ଷ ଭାରତୀୟ ବାର୍ଷିକ ହାରାହାରି ୪୨,୪୫୬ ଟଙ୍କାର ଆୟକର ପ୍ରଦାନ କରିଛନ୍ତି। କେବଳ ୧ କୋଟି ଭାରତୀୟ ୧ ଲକ୍ଷ ଟଙ୍କା ଲେଖାଏଁରୁ ଅଧିକ ଆୟକର ପ୍ରଦାନ କରିଛନ୍ତି ବୋଲି ଜଣାଯାଇଛି। ରିପୋର୍ଟରୁ ଅନ୍ୟ ଏକ ବିଷୟ ମଧ୍ୟ ପଦାକୁ ଆସିଛି। ତାହା ହେଲା ଦେଶରେ ସବୁଠୁ ଅଧିକ ଟିକସ ପ୍ରଦାନ କରୁଥିବା ତାଲିକାର ଶୀର୍ଷରେ ମହାରାଷ୍ଟ୍ର ରହିଛି। ୨୦୧୬-୧୭ ଆର୍ଥିକ ବର୍ଷ ପାଇଁ ସମଗ୍ର ଦେଶରେ ଆଦାୟ ହୋଇଥିବା ମୋଟ ଆୟକର ରାଜସ୍ୱରେ ମହାରାଷ୍ଟ୍ରର ଯୋଗଦାନ ୩୭ ପ୍ରତିଶତ ରହିଛି।