ଏଲଆଇସିରେ ପଡ଼ିରହିଛି ୨୧,୫୩୯ କୋଟି ଟଙ୍କା, ଯାହାର କେହି ଦାବିଦାର ନାହାନ୍ତି
ନୂଆଦିଲ୍ଲୀ : ରାଷ୍ଟ୍ରାୟତ୍ତ ବୀମା କମ୍ପାନି ଏଲଆଇସିରେ ରହିଛି ପ୍ରାୟ ୨୧ ହଜାର ୫୩୯ କୋଟି ଟଙ୍କା ପରିମାଣର ଏକ ପାଣ୍ଠି ଯାହାର କି କେହି ଦାବିଦାର ନାହାନ୍ତି । ସେବି ନିକଟରେ ଏଲଆଇସି ପକ୍ଷରୁ ଦାଖଲ କରାଯାଇଥିବା ଚିଠା ଆଇପିଓ କାଗଜପତ୍ରରେ ଏହି ତଥ୍ୟ ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏଲଆଇସିର ତଥ୍ୟ ଅନୁସାରେ ସେପ୍ଟେମ୍ବର ୨୦୨୧ ସୁଦ୍ଧା ଏଲଆଇସିରେ କୌଣସି ଦାବିଦାର ନଥିବା ପାଣ୍ଠି ପରିମାଣ ଥିଲା ୨୧ ହଜାର ୫୩୯ କୋଟି ଟଙ୍କା । ଏଥିରେ ସୁଧ ବାବଦ ଅର୍ଥ ଅନ୍ତର୍ଭୁକ୍ତ । ମାର୍ଚ୍ଚ ୨୦୨୧ ସୁଦ୍ଧା ଏହା ଥିଲା ୧୮୪୯୫ କୋଟି ଟଙ୍କା ଓ ମାର୍ଚ୍ଚ ୨୦୨୦ ସୁଦ୍ଧା ଏହା ଥିଲା ୧୬୦୫୨.୬୫ କୋଟି ଟଙ୍କା ।
କୌଣସି ଏଲଆଇସିଧାରୀଙ୍କ ମୃତ୍ୟୁ ହେଲେ ତାଙ୍କର ବୀମାରାଶି ସେ ରଖିଥିବା ନୋମିନିଙ୍କୁ ଦିଆଯାଏ । କିନ୍ତୁ ବୀମାଧାରୀଙ୍କ ମୃତ୍ୟୁପରେ ନୋମିନି ବୀମାରାଶି ପାଇଁ ଆବେଦନ ନକଲେ ଉକ୍ତ ରାଶି ବୀମା କମ୍ପାନି ନିକଟରେ ଗଚ୍ଛିତ ହୋଇ ରହିଥାଏ । ଆଇଆରଡିଏର ନିୟମ ଅନୁସାରେ ଗୋଟିଏ ବୀମା କମ୍ପାନି ନିକଟରେ ଥିବା ଏପରି ପାଣ୍ଠିର ବିବରଣୀ ନିଜ ଓ୍ବେବସାଇଟରେ ଦର୍ଶାଇବେ । ଏହି ରାଶିର ଦାବିଦାରମାନେ କିପରି ଏହି ରାଶି ପାଇପାରିବେ ତାହାର ପଦ୍ଧତି ବି ଓ୍ବେବସାଇଟରେ ଦର୍ଶାଇବେ । ଯଦି ୧୦ ବର୍ଷ ପର୍ଯ୍ୟନ୍ତ ଉକ୍ତ ରାଶିର କୌଣସି ଦାବିଦାର ଆସିଲେ ନାହିଁ ଏହି ରାଶିକୁ ବରିଷ୍ଠ ନାଗରିକ କଲ୍ୟାଣ ପାଣ୍ଠିକୁ ପ୍ରେରଣ କରାଯିବ ।