ନୂଆଦିଲ୍ଲୀ: ଭାରତୀୟ ଷ୍ଟେଟ ବ୍ୟାଙ୍କ ସମେତ ଦେଶର ବିଭିନ୍ନ ବ୍ୟାଙ୍କ ଗରିବ ଲୋକମାନଙ୍କ ଜିରୋ ବାଲାନ୍ସ ଖାତାରୁ ବିଭିନ୍ନ ସେବାକର ଲଗାଇ ଶହ ଶହ କୋଟି ଟଙ୍କା ଲୁଟ୍ କରିଥିବା ଜଣାପଡ଼ିଛି । ଆଇଆଇଟି ବମ୍ବେ ଦ୍ୱାରା କରାଯାଇଥିବା ଏକ ସର୍ଭେ ରିପୋର୍ଟରେ ପ୍ରକାଶ କରିଛି କି ଶୂନ୍ୟ ବାଲାନ୍ସ ଖାତାଧାରୀମାନେ ସେମାନଙ୍କ ଖାତାରୁ ୪ ଥରରୁ ଅଧିକ ଟଙ୍କା ବାହାର କଲେ ପ୍ରତିଥର ୧୭.୭୦ ଟଙ୍କା କର ଆଦାୟ କରିବାକୁ ନିଷ୍ପତ୍ତି ନେଇଥିଲା । ଏହି କର ବାବଦରେ ଭାରତୀୟ ଷ୍ଟେଟ ବ୍ୟାଙ୍କ ୨୦୧୫ ରୁ ୨୦୨୦ ମଧ୍ୟରେ ୧୨ କୋଟି ଖାତାଧାରକଙ୍କଠାରୁ ୩୦୦ କୋଟିରୁ ଅଧିକ ଟଙ୍କା ଆଦାୟ କରିଛି । ଏହାକୁ ନେଇ ଆଇଆଇଟି ବମ୍ବେର ଜଣେ ଗବେଷକ କହିଛନ୍ତି କି ଏଭଳି କରି ଏସବିଆଇ ରିଜର୍ଭ ବ୍ୟାଙ୍କର ନିୟମ ଉଲ୍ଲଙ୍ଘନ କରିଛି ।
Sambad is now on WhatsApp
Join and get latest news updates delivered to you via WhatsApp
ସେହିଭଳି ପଞ୍ଚାବ ନ୍ୟାସନାଲ ବ୍ୟାଙ୍କ ୨୦୧୫ ରୁ ୨୦୨୦ ମସିହା ମଧ୍ୟରେ ୩.୯ କୋଟି ଗରିବ ଖାତାଧାରୀମାନଙ୍କ ଠାରୁ ୯.୯ କୋଟି ଟଙ୍କା ଆଦାୟ କରିଛି । ଏନେଇ ଗବେଷଣା କରୁଥିବା ଆଇଆଇଟି ବମ୍ବେର ପ୍ରଫେସର ଆଶିସ୍ ଦାସ କହିଛନ୍ତି କି ଜମାଖାତାରୁ ଡିଜିଟାଲ କାରବାର ସହ ୪ ଥରରୁ ଅଧିକ ଟଙ୍କା ବାହାର କଲେ ବ୍ୟାଙ୍କ ଯେଭଳି ଭାବେ ପ୍ରତି ଟ୍ରାନଜାକସନ୍ ଉପରେ ୧୭.୭୦ ଟଙ୍କା କର ଆଦାୟ କରୁଛି ତାହା ରିଜର୍ଭ ବ୍ୟାଙ୍କ ନିୟମର ଖୋଲା ଖୋଲି ଉଲ୍ଲଙ୍ଘନ । କହି ରଖୁ କି ଗରିବ ଲୋକମାନଙ୍କର ଜିରୋ ବାଲାନ୍ସ ଆକାଉଣ୍ଟ ସବୁଠାରୁ ଅଧିକ ଏସବିଆଇ ପାଖରେ ଅଛି । ପ୍ରଫେସର ଦାସ କହିଛନ୍ତି କି, ସେବା କର ନାମରେ ଗରିବ ଲୋକମାନଙ୍କଠାରୁ ଏଭଳି କର ଆଦାୟ କରିବା ଅନୁଚିତ।