କାର୍‌ କିଣିବା ସ୍ବପ୍ନ ହେବ ପୂରା ! ବଜାରକୁ ଆସୁଛି ୧୦ ଲକ୍ଷ ଟଙ୍କା ମଧ୍ୟରେ ଥିବା ଏହି ସବୁ ନାମୀ କମ୍ପାନିର ଏସ୍‌ୟୁଭି

ମୁମ୍ବାଇ: ଏସୟୁଭି ପ୍ରେମୀଙ୍କ ପାଇଁ ଆଗାମୀ ସମୟରେ ବହୁତ ସ୍ୱତନ୍ତ୍ର ଖବର ଆସୁଛି। ଯେଉଁମାନେ ୧୦ ଲକ୍ଷରୁ କମ୍ ମୂଲ୍ୟ ସୀମା ମଧ୍ୟରେ ଏକ ଭଲ ଏସୟୁଭି କିଣିବାକୁ ଚାହାଁନ୍ତି, ସେମାନଙ୍କ ପାଇଁ ଚଳିତବର୍ଷ ୫ଟି ନୂଆ ଏସୟୁଭି ଆସୁଛି।

ପ୍ରଥମଟି ହେଉଛି ଫ୍ରଙ୍କ୍ସ ମାରୁତି ସୁଜୁକିର ନୂଆ ମାଇକ୍ରୋ ଏସୟୁଭି। ଏହା ପରେ ଟାଟା ମୋଟର୍ସ ଏହାର ପ୍ରଥମ ସିଏନଜି ଏସୟୁଭି ପଞ୍ଚ୍‌ ଲଞ୍ଚ କରିବ। ଏହା ସହିତ ସବୁଠାରୁ ଅଧିକ ବିକ୍ରି ହେଉଥିବା ଏସୟୁଭି ନେକ୍ସନର ଫେସ୍‌ଲିଫ୍ଟେଡ୍‌ ମଡେଲ୍ ମଧ୍ୟ ଲଞ୍ଚ ହେବ। ଏଗୁଡିକ ସହିତ କିଆ ଏବଂ ଟୟୋଟା ପରି କମ୍ପାନିଗୁଡିକ ମଧ୍ୟ ନୂତନ ଏସୟୁଭି ବଜାରକୁ ଆଣିବେ କିମ୍ବା ପୂର୍ବରୁ ଥିବା ମଡେଲଗୁଡ଼ିକୁ ଅପଡେଟ୍ କରିବେ ବୋଲି ଶୁଣିବାକୁ ମିଳୁଛି।

www.google.com

ମାରୁତି ସୁଜୁକି ଆସନ୍ତା ମାସରେ ଏହାର ପ୍ରଥମ ମାଇକ୍ରୋ ଏସୟୁଭି ଫ୍ରଙ୍କ୍ସର ମୂଲ୍ୟ ପ୍ରକାଶ କରିବାକୁ ଯାଉଛି। ସର୍ବାଧିକ ବିକ୍ରୟ ହେଉଥିବା କାର ଟାଟା ପଞ୍ଚ୍‌ ସହିତ ଏହି ଗାଡ଼ିଟି ପ୍ରତିଦ୍ୱନ୍ଦ୍ୱିତା କରିବ। ଏହାର ପ୍ରାରମ୍ଭିକ ମୂଲ୍ୟ ପ୍ରାୟ ୭ ଲକ୍ଷ ଟଙ୍କା ହୋଇପାରେ। ଲୁକ ଏବଂ ଫିଚର୍‌ ଦୃଷ୍ଟିରୁ ମାରୁତି ଫ୍ରଙ୍କସ୍ ବହୁତ ଭଲ। ଫ୍ରଙ୍କ୍ସ ପାଇଁ ବୁକିଂ ୩ ମାସ ଆଗରୁ ଆରମ୍ଭ ହୋଇଗଲାଣି। ଏହାକୁ ନେଇ ଖୁବ୍ ଭଲ ଗ୍ରାହକ ପ୍ରତିକ୍ରିୟା ମିଳୁଛି।

ବିଶ୍ୱାସ କରାଯାଉଛି ଯେ ଅଲଟ୍ରୋଜ ସିଏନଜି ପରେ ଟାଟାର ପରବର୍ତ୍ତୀ ସିଏନଜି କାର କେବଳ ପଞ୍ଚ ସିଏନଜି ହିଁ ହେବ ଏବଂ ଏହାର ଆରମ୍ଭ ମୂଲ୍ୟ ପ୍ରାୟ ୮ ଲକ୍ଷ ଟଙ୍କା ହୋଇପାରେ।