ଅକ୍ଟୋବର ୧୨ ସୁଦ୍ଧା ୫ଜି ସେବା : ବୈଷ୍ଣବ
: ଦେଶରେ ଆସନ୍ତା ଅକ୍ଟୋବର ୧୨ ସୁଦ୍ଧା ୫-ଜି ସେବା ଆରମ୍ଭ ହୋଇଯିବ । ଧୀରେ ଧୀରେ ଏହି ସେବା ଅନ୍ୟ ଅଂଚଳକୁ ସଂପ୍ରସାରଣ ହେବ ବୋଲି କେନ୍ଦ୍ର ଟେଲିକମ ମନ୍ତ୍ରୀ ଅଶ୍ବିନୀ ବୈଷ୍ଣବ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ଟେଲିକମ ଅପରେଟରମାନେ ଏବେ ବିଭିନ୍ନ ସହରରେ ଉପକରଣ ଲଗାଉଛନ୍ତି, ଯେପରିକି ଦେଶରେ ଦ୍ରୁତ ଗତିରେ ୫ଜି ସେବା ଆରମ୍ଭ ହୋଇପାରିବ । ଆସନ୍ତା ୨-୩ ବର୍ଷରେ ଏହି ସେବା ଦେଶର ସବୁ ସ୍ଥାନରେ ପହଞ୍ଚିବ ବୋଲି ଆମେ ଆଶା କରୁଛୁ । ପୁଣି ଏହି ସେବା ଯେପରି ସୁଲଭ ରହିବ ସେ ଦିଗରେ ଉଦ୍ୟମ କରୁଛୁ ବୋଲି ସେ କହିଛନ୍ତି ।
ସୂଚନାଯୋଗ୍ୟ ଯେ, ଗତ ଅଗଷ୍ଟ ୧ରେ ୫ଜି ସ୍ପେକ୍ଟ୍ରମ ନିଲାମ ଶେଷ ହୋଇଥିଲା । ଏହି ନିଲାମରୁ ସରକାର ମୋଟ ୧ଲକ୍ଷ ୫୦ ହଜାର ୧୭୩ କୋଟି ଟଙ୍କା ପାଇବେ । ୫-ଜି ସ୍ପେକ୍ଟ୍ରମ ନିଲାମରେ ଜିଓ, ଏୟାରଟେଲ ବ୍ୟତୀତ ଭୋଡାଫୋନ ଆଇଡିଆ ମଧ୍ୟ ଅଂଶଗ୍ରହଣ କରିଥିଲା । ଏଥିରେ ଅଦାନୀ ଗ୍ରୁପ ଅଧିନସ୍ଥ ନବଗଠିତ ଅଦାନୀ ଡାଟା ନେଟଓ୍ବାର୍କ୍ସ ବି ଏଥିରେ ଅଂଶଗ୍ରହଣ କରିଥିଲା । ଏହି ନିଲାମ ବାବଦରୁ ସରକାର ଦେଢ ଲକ୍ଷ କୋଟି ପାଇବେ । ଗତ ସପ୍ତାହରେ ଟେଲିକମ କମ୍ପାନିମାନେ ପ୍ରଥମ କିସ୍ତି ବାବଦରେ ୧୭୮୭୫ କୋଟି ଟଙ୍କା ପ୍ରଦାନ କରିଥିଲେ ।