ମୁମ୍ବାଇ : ଶିଳ୍ପପତି ଗୌତମ ଅଦାନୀ ଆମାଜନର ପ୍ରତିଷ୍ଠାତା ଜେଫ ବେଜୋସଙ୍କୁ ଅତିକ୍ରମ କରି ବିଶ୍ବର ୨ୟ ବଡ଼ ଧନୀରେ ପରିଣତ ହୋଇଛନ୍ତି । ବ୍ଲୁମ୍ବର୍ଗ ବିଲିୟନେର ଇଣ୍ଡେକ୍ସ ଅନୁସାରେ ତାଙ୍କର ମୋଟ ସଂପତ୍ତି ପରିମାଣ ୧୫୦ ବିଲିୟନ ଡଲାର ଥିବାବେଳେ ବେଜୋସଙ୍କ ମୋଟ ସଂପତ୍ତି ପରିମାଣ ୧୪୫ କୋଟିକୁ ଖସିଆସିଛି । ତେବେ ୧ ନମ୍ବର ସ୍ଥାନରେ ଥିବା ଏଲନ୍ ମସ୍କଙ୍କ ମୋଟ ସଂପତ୍ତି ପରିମାଣ ୨୬୮ ବିଲିୟନ ଡଲାର ରହିଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଦୁହିଁଙ୍କ ମଧ୍ୟରେ ବ୍ୟବଧାନ କମିବାର ଏକ ବଡ଼ କାରଣ ହେଉଛି ଗତ ପ୍ରାୟ ଏକ ସପ୍ତାହରେ ଜେଫ ବେଜୋସଙ୍କ ସଂପତ୍ତି କମିଚାଲିଛି । ଗୋଟିଏ ବର୍ଷରେ ତାଙ୍କର ମୋଟ ସଂପତ୍ତି ପ୍ରାୟ ୪୭ ବିଲିୟନ ଡଲାର କମିଛି । ଅନ୍ୟପକ୍ଷରେ ଅଦାନୀଙ୍କ ମୋଟ ସଂପତ୍ତି ପରିମାଣ ଅତି ଦ୍ରୁତ ଗତିରେ ବଢିଚାଲିଛି । ବର୍ଷକ ମଧ୍ୟରେ ତାଙ୍କର ମୋଟ ସଂପତ୍ତି ପରିମାଣ ଦୁଇଗୁଣିତ ହୋଇଯାଇଛି । ଗତ ଏକ ବର୍ଷ ମଧ୍ୟରେ ତାଙ୍କର ମୋଟ ସଂପତ୍ତିରେ ୭୩ ବିଲିୟନ ଡଲାର ଯୋଗ ହୋଇଛି । ଅର୍ଥାତ୍ ଦିନକୁ ତାଙ୍କର ହାରାହାରି ଆୟ ୧୬୧୨ କୋଟି ଟଙ୍କା ।
ଅନ୍ୟପକ୍ଷରେ ଭାରତର ନଂ୨ ଧନୀ ମୁକେଶ ଅମ୍ବାନି ଏବେ ୯ ନମ୍ବର ସ୍ଥାନରେ ରହିଛି । ଗତ ବର୍ଷ ତୁଳନାରେ ତାଙ୍କର ସଂପତ୍ତି ୧.୧୮ ବିଲିୟ ଡଲାର କମିଛି ।
ଆମେରିକାରେ ମୁଦ୍ରାସ୍ପୀତି ବଢୁଥିବାରୁ ଆମେରିକୀୟ ଷ୍ଟକ ବଜାରରେ ବଡ଼ ଧରଣର ହ୍ରାସ ଦେଖାଦେଇଛି । ଏହି କାରଣରୁ ବିଶ୍ବ ନଂ୧ ଧନୀ ଏଲନ ମସ୍କ ଓ ନଂ୨ ଜେଫ ବୋଜୋସଙ୍କ ସଂପତ୍ତିରେ ଦ୍ରୁତ ହ୍ରାସ ଦେଖାଦେଇଛି ।