ମୁକେଶ ଅମ୍ଵାନୀ ନୁହଁନ୍ତି, ଗୌତମ ଆଦାନି ଏବେ ଭାରତର ଏକ ନମ୍ବର ଧନୀ
ମୁମ୍ବାଇ: ଗତ ଦୁଇ ଦିନ ହେଲା ଭାରତୀୟ ଶେୟାର ବଜାରରେ ମାନ୍ଦାବସ୍ଥା ଲାଗି ରହିଛି । ଏହା ଦ୍ଵାରା ରିଲାୟନ୍ସର ଶେୟାର ହ୍ରାସ ପାଇଛି। ଏହା ଦ୍ଵାରା ମୁକେଶ ଅମ୍ବାନୀଙ୍କ ଆୟ ହ୍ରାସ ପାଇଛି । ଯାହା ଫଳରେ ଜାନୁଆରୀ ୨୫ ଦିନ ଗୌତମ ଅଦାନୀ ଆୟରେ ମୁକେଶ ଅମ୍ବାନୀଙ୍କ ଠାରୁ ଆଗେଇ ଯାଇଛନ୍ତି ଓ ଭାରତର ଏକ ନମ୍ବର ଧନୀ ହୋଇଯାଇଛନ୍ତି। ଫୋର୍ବ୍ସର ତଥ୍ୟ ଅନୁଯାୟୀ ଅଦାନୀଙ୍କ ସମ୍ପତ୍ତି ୯୦ ବିଲିଅନ୍ ଡଲାର(୬ ଲକ୍ଷ ୭୨ ହଜାର କୋଟି ଟଙ୍କା) ହୋଇଥିବା ବେଳେ ମୁକେଶ ଅମ୍ବାନୀଙ୍କ ସମ୍ପତ୍ତି ୮୯.୮ ବିଲିଅନ ଡଲାର(୬.୭୧ ଲକ୍ଷ କୋଟି ଟଙ୍କା) । ଆୟ ଅନୁସାରେ ଗୌତମ ଅଦାନି ଏବେ ବିଶ୍ଵର ୧୧ତମ ଧନୀ ବ୍ୟକ୍ତି ।
Sambad is now on WhatsApp
Join and get latest news updates delivered to you via WhatsApp
ବମ୍ବେ ଷ୍ଟୋକ ଏକ୍ସଚେଞ୍ଜର ତଥ୍ୟ ଅନୁଯାୟୀ ରିଲାୟନ୍ସ ଇଣ୍ଡୁଷ୍ଟ୍ରିଜର ଶେୟାର ମୂଲ୍ୟ ଗତ ଦୁଇ ଦିନରେ ୧୫୫ ଟଙ୍କା ହ୍ରାସ ପାଇଛି । ଫୋର୍ବ୍ସ ଅନୁଯାୟୀ ଦୁଇ ଦିନରେ ମୁକେଶ ଅମ୍ବାନୀଙ୍କ ଆୟରେ ୭ ଆରବ ଡଲାର(୫୨ ହଜାର କୋଟି ଟଙ୍କା) ହ୍ରାସ ପାଇଛି। ଫୋର୍ବ୍ସ ତଥ୍ୟ ଅନୁସାରେ ୩୧ ଡିସେମ୍ବର ୨୦୨୧ ଦିନ ଗୌତମ ଅଦାନିଙ୍କ ଆୟ ୭୮ ଆରବ ଡଲାର(୫ ଲକ୍ଷ ୮୨ ହଜାର ଟଙ୍କା) ଥିଲା । ଯାହା ୧୮ ଜାନୁଆରୀ ୨୦୨୨ ଦିନ ବଢି ୯୩ ଆରବ ଡଲାର (୬ ଲକ୍ଷ ୯୫ ହଜାର କୋଟି ଟଙ୍କା) ହୋଇଥିଲା । ଏବେ ଗୌତମ ଅଦାନିଙ୍କ ସମ୍ପତ୍ତି ମୂଲ୍ୟ ୬ ଲକ୍ଷ ୭୨ ହଜାର କୋଟି ଟଙ୍କା । ଅର୍ଥାତ୍ ଗୌତମ ଅଦାନିଙ୍କ ଆୟ ନୂଆ ବର୍ଷରେ ସବୁଦିନ ୬ ହଜାର କୋଟି ଟଙ୍କାରୁ ଅଧିକ ବଢିଛି ।
ଅଦାନି ଗ୍ରୁପର ୬ଟି କମ୍ପାନୀ ଭାରତୀୟ ଶେୟାର ବଜାରରେ ତାଲିକାଭୁକ୍ତ ହୋଇଛନ୍ତି। ଏହି ବର୍ଷ ଜାନୁଆରିରେ ହିଁ ଏହି କମ୍ପାନିଗୁଡିକୁ ୫ ପ୍ରତିଶତରୁ ୪୫ ପ୍ରତିଶତ ପର୍ଯ୍ୟନ୍ତ ରିଟର୍ଣ୍ଣ ମିଳିଛି। ଅଦାନି ଗ୍ରୁପର ଉର୍ଜା କମ୍ପାନିଗୁଡିକର ଶେୟାରରେ ସବୁଠାରୁ ଅଧିକ ବୃଦ୍ଧି ଦେଖିବାକୁ ମିଳିଛି। ଏମାନଙ୍କ ମଧ୍ୟରୁ ଅଦାନୀ ଗ୍ରୀନ୍ ଉର୍ଜା ସବୁଠାରୁ ଅଧିକ ୪୫ ପ୍ରତିଶତ ବୃଦ୍ଧି ହାସଲ କରିଛି । ଏହା ବ୍ୟତୀତ ଅଦାନୀ ଟ୍ରାନ୍ସମିଶନ ଓ ଅଦାନୀ ପାଓ୍ଵାରରେ ମଧ୍ୟ ନିବେଶକମାନଙ୍କୁ କମ ସମୟରେ ଅଧିକ ରିଟର୍ଣ୍ଣ ମିଳିଛି ।