ମୁମ୍ବାଇ : ଆମେରିକାର ହିଣ୍ଡେନବର୍ଗ ରିପୋର୍ଟ ଆସିବା ପରେ ଷ୍ଟକ ବଜାରରେ ଅଦାନୀ ଗ୍ରୁପ ଅନ୍ତର୍ଗତ ବିଭିନ୍ନ କମ୍ପାନିର ସେୟାର ମୂଲ୍ୟ ହ୍ରାସ ପାଇଚାଲିଛି । ଫଳରେ ଗୌତମ ଅଦାନୀଙ୍କ ବ୍ୟକ୍ତିଗତ ସଂପତ୍ତି ପରିମାଣ ବି କମିଯାଇଛି । ଏଥିପାଇଁ ଦିନେ ବିଶ୍ବର ୩ ନମ୍ବର ଧନୀ ହୋଇପାରିଥିବା ଗୌତମ ଏବେ ଧନୀ ତାଲିକାରେ ପ୍ରଥମ ୧୦ ଜଣଙ୍କ ମଧ୍ୟରେ ବି ନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ବ୍ଲୁମ୍ବର୍ଗ ବିଲିୟନେର ସୂଚକାଙ୍କ ଅନୁସାରେ ଗତ ୨୬ ଜାନୁଆରିରେ ଗୌତମଙ୍କ ମୋଟ ସମ୍ପତ୍ତିର ପରିମାଣ ଥିଲା ୧୧୩ ବିଲିୟନ ଡଲାର, କିନ୍ତୁ ୩୦ ଜାନୁଆରିରେ ତାହା ୮୪.୪ ବିଲିୟନ ଡଲାରକୁ ଖସିଆସିଛି । ଫଳରେ ୨୬ ତାରିଖରେ ବିଶ୍ବର ୩ ନମ୍ବର ସ୍ଥାନରେ ଥିବା ଅଦାନୀ ଏବେ ପ୍ରଥମ ୧୦ ଜଣଙ୍କ ମଧ୍ୟରେ ବି ନାହାନ୍ତି । ସେ ୧୧ତମ ସ୍ଥାନକୁ ଖସିଆସିଛନ୍ତି ।
ଗତ ସପ୍ତାହରେ ଆମେରିକାର ହିଣ୍ଡନବର୍ଗ ରିସର୍ଚ୍ଚ ଏକ ରିପୋର୍ଟ ପ୍ରକାଶ କରି କହିଥିଲା ଯେ ଅଦାନୀ ଗ୍ରୁପ ହିସାବରେ ଗୋଳମାଳ ଓ ସେୟାର ମୂଲ୍ୟରେ ହେରଫେର କରି ନିଜର ମୂଲ୍ୟ ବଢାଚାଲିଛି । ଏହାକୁ ଏକ ସ୍କାମ ବୋଲି କହିଥିଲା ହିଣ୍ଡେନବର୍ଗ ।
କିନ୍ତୁ ଏହାର ଜବାବ ଦେଇ ଅଦାନୀ ଗ୍ରପ କହିଥିଲା ଯେ ହିଣ୍ଡେନବର୍ଗ ରିପୋର୍ଟରେ କୌଣସି ସତ୍ୟତା ନାହିଁ ଓ ଏହି ରିପୋର୍ଟରେ ମିଛ କୁହାଯାଇଛି । ଏହା ସତ୍ତ୍ବେ ଅଦାନୀର ସେୟାର ମୂଲ୍ୟ କମିଚାଲିଛି ।