ଜରୁରୀକାଳିନ ଅବତରଣର କୋଡ୍ ଦବାଇବା ପରିବର୍ତ୍ତେ ଭୁଲରେ ହାଇଜାକ୍ର କୋଡ୍ ଦବାଇ ଦେଲେ ପାଇଲଟ୍, ତା’ ପରେ…..
ଚଣ୍ଡିଗଡ଼ : ଦିଲ୍ଲୀ-ଶ୍ରୀନଗର ଯାଉଥିବା ଏୟାର ଏସିଆ ବିମାନ ରବିବାର ସକାଳ ୬ଟର ୩୦ମିନିଟ୍ରେ ଦିଲ୍ଲୀ ବିମାନବନ୍ଦରରୁ ଉଡ଼ାଣ କରିଥିଲା । କିନ୍ତୁ ଉଡ଼ାଣ ଭରିବାର କିଛି ସମୟ ପରେ ଯାନ୍ତ୍ରିକ ତ୍ରୁଟି ଦେଖା ଯିବାରୁ ପାଇଲଟ୍ କିରଣ ସାଙ୍ଗଓ୍ଵାନ ବିମାନଙ୍କୁ ପୁଣି ଥରେ ଦିଲ୍ଲୀ ନେବା ପାଇଁ ଚାହୁଁଥିଲେ । ଏହି ସମୟରେ ଭୁଲରେ ପାଇଲଟ୍ କିରଣ ହାଇଜାକ୍ କୋଡ୍ ଦବାଇ ଦେଇଥିଲେ । ବିମାନଟି ସେ ସମୟରେ ଚଣ୍ଡିଗଡ଼ ପାଖା ପାଖିଥିବାରୁ ଚଣ୍ଡିଗଡ଼ ଏୟାରଫୋର୍ସର ଏୟାର ଟ୍ରାଫିକ କଣ୍ଟ୍ରୋଲର ଏହି କୋଡକୁ ଟ୍ରେସ କରିବା ସହ ଦିଲ୍ଲୀ ମୁଖ୍ୟାଳୟକୁ ହାଇଜାକ୍ ହେବା ନେଇ ସୂଚନା ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ହାଇଜାକ୍ର କୋଡ୍ ଦେଖି ସାରା ଦେଶର ଏୟାରଫୋର୍ସ ଆକ୍ଟିଭ୍ ହୋଇଯିବା ପରେ ଆଣ୍ଟି ଟେରୋରିଜିମ୍ ସ୍କ୍ଵାଡ୍ ପାଇଲଟ୍ କିରଣଙ୍କୁ ସଂପର୍କ କରିଥିଲେ । ଯାହା ପରେ ଯାନ୍ତ୍ରିକ ତ୍ରୁଟି ପାଇଁ ଭୟଭୀତ ହୋଇ ଭୁଲରେ ପାଇଲଟ୍ଜଣଙ୍କ ହାଇଜାକ୍ କୋଡ୍ ଦବାଇ ଦେଇଥିବା କହିଥିଲେ । ଯାହାର ୭ମିନିଟ୍ ପରେ ପାଇଲଟ୍ ଜରୁରୀକାଳିନ ଅବତରଣ କରିବାର କୋଡ୍ ଦବାଇଥିଲେ । କିନ୍ତୁ ଦିଲ୍ଲୀରେ ଅବତରଣ କରିବାର ଅନୁମତି ନ ମିଳିବାରୁ ବିମାନକୁ ସକାଳ ୭ଟା ୪୦ମିନିଟ୍ରେ ଚଣ୍ଡିଗଡ଼ରେ ଅବତରଣ କରାଯାଇଥିଲା ।