ଏୟାର ଏସିଆ ପକ୍ଷରୁ ସେନା ଯବାନଙ୍କ ପାଇଁ ୫୦ ହଜାର ମାଗଣା ସିଟ ଅଫର
ଭୁବନେଶ୍ୱର : ଭାରତର ୭୪ତମ ସ୍ୱାଧୀନତା ଦିବସ ପାଳନ ପୂର୍ବରୁ ଏୟାର ଏସିଆ ଇଣ୍ଡିଆ ପକ୍ଷରୁ ଦେଶର ଦୃଢ଼ ସ୍ତମ୍ଭ ଓ ଗଣତନ୍ତ୍ର ଓ ନିରାପତ୍ତାକୁ ସମର୍ଥନ ପ୍ରତି ଯୋଗଦାନ ପାଇଁ ମାନ୍ୟତା ସ୍ୱରୂପ ରେଡପାସ ଅଭିଯାନ ଆରମ୍ଭ କରାଯାଇଛି । ଦେଶ ଗଠନ ପ୍ରତି ଦୀର୍ଘସ୍ଥାୟୀ ପ୍ରତିବଦ୍ଧତାକୁ ନଜରରେ ରଖି ଏୟାର ଏସିଆ ଇଣ୍ଡିଆ ପକ୍ଷରୁ ଏହି ଅଭିଯାନ ଅଧୀନରେ ସ୍ଥାନୀୟ ବିମାନରେ ୫୦,୦୦୦ ସିଟ୍ ପ୍ରଦାନ କରାଯିବ । ମାଗଣା ସିଟ ସହିତ ଅତିଥିମାନେ ଅଗ୍ରାଧିକାର ବୋର୍ଡିଂ ଓ ବ୍ୟାଗେଜ୍ ସୁବିଧା ପାଇପାରିବେ ।
Sambad is now on WhatsApp
Join and get latest news updates delivered to you via WhatsApp
ମହାମାରୀ ସମୟରେ ଗତ ଜୁନରେ ଏୟାର ଏସିଆ ପକ୍ଷରୁ ରେଡପାସ ଅଭିଯାନ ଘୋଷଣା କରାଯାଇଥିଲା ଯେଉଁଥିରେ ଦେଶର ଡାକ୍ତରମାନଙ୍କ ପ୍ରତି କୃତଜ୍ଞତା ସ୍ୱରୂପ ଯାତ୍ରାର ସୁବିଧା ଦିଆଯାଇଥିଲା । ସେହି ଅଭିଯାନ ବେଶ ଗ୍ରହଣୀୟ ହୋଇଥିଲା । ଏହି ଅଭିଯାନକୁ ଏବେ ଭାରତୀୟ ସେନା ବାହିନୀ ପର୍ଯ୍ୟନ୍ତ ସଂପ୍ରସାରିତ କରାଯାଇଛି । ସେନା ବାହିନୀ ଅର୍ଥାତ ସ୍ଥଳ ସେନା, ନୌସେନା ଓ ବାୟୁ ସେନା, ତଟ ସୁରକ୍ଷା ବାହିନୀ, ପାରାମିଲିଟାରି ବଳ ଏବଂ ଟ୍ରେନିଂରେ ଥିବା କ୍ୟାଡେଟମାନେ ଏହି ଅଭିଯାନର ଲାଭ ପାଇପାରିବେ । ଅବସର ଗ୍ରହଣ କରିଥିବା ସେନା ବାହିନୀର କର୍ମଚାରୀ ଏବଂ ତାଙ୍କ ଉପରେ ନିର୍ଭରଶୀଳ ଥିବା ଲୋକମାନଙ୍କୁ ମଧ୍ୟ ଏହି ଅଭିଯାନର ସୁବିଧା ମିଳିବ ।
ଏହି ଅଭିଯାନରେ ପ୍ରତିରକ୍ଷା କ୍ଷେତ୍ରରେ କାର୍ଯ୍ୟ କରୁଥିବା କର୍ମଚାରୀମାନେ କଂପାନିର ୱେବସାଇଟରେ ୨୦୨୦ ଅଗଷ୍ଟ ୧୫ରୁ ୨୧ ତାରିଖ ଭିତରେ ଟିକଟ ବୁକିଙ୍ଗ କରିପାରିବେ ଏବଂ ସେହି ଟିକଟରେ ୨୦୨୦ ସେପ୍ଟେମ୍ବର ୨୫ରୁ ଡିସେମ୍ବର ୩୧ ଭିତରେ ଯାତ୍ରା କରିପାରିବେ । ପ୍ରତିରକ୍ଷା କ୍ଷେତ୍ରର କର୍ମଚାରୀମାନେ ଯେଉଁ ବିବରଣୀ ଦେଇଥିବେ ତାହାର ସମୀକ୍ଷା କରିବା ପରେ ଦେଶରେ ଚାଲୁଥିବା ଯେକୌଣସି ଏୟାର ଏସିଆ ବିମାନ ପାଇଁ ତାହାକୁ ରିଡିମ୍ କରିବାକୁ ପଠାଇ ଦିଆଯିବ । ଏୟାର ଏସିଆ ରେଡପାସ କେବଳ ୱାନ୍ ୱେ ଯାତ୍ରା ପାଇଁ ବୈଧ ରହିବ ଯେଉଁଥିପାଇଁ ବିମାନ ଯାତ୍ରାର ୨୧ ଦିନ ପୂର୍ବରୁ ସଂରକ୍ଷଣ ବ୍ୟବସ୍ଥା କରିବାକୁ ହେବ ।