ଇନ୍ଧନ କମ ଥିବାରୁ ଦିଲ୍ଲୀ ଆସୁଥିବା ବିମାନ ଅମୃତସରରେ ଅବତରଣ କଲା, ବିମାନରେ ଥିଲେ ୫ଜଣ ସାଂସଦ
ନୂଆଦିଲ୍ଲୀ : କୋଲକାତାରୁ ଦିଲ୍ଲୀ ଆସୁଥିବା ଏୟାର ଇଣ୍ଡିଆ ବିମାନକୁ ଅମୃତସରରେ ଅବତରଣ କରାଯାଇଥିବା ଜଣାପଡ଼ିଛି । ଇନ୍ଧନର ଅଭାବ ଦେଖାଯିବା ପରେ ଏଭଳି ନିଷ୍ପତ୍ତି ନିଆଯାଇଥିଲା । ବିମାନରେ ତୃଣମୂଳ କଂଗ୍ରେସର ୫ଜଣ ସାଂସଦ ଥିବା ବେଳେ ସେମାନେ ଦିଲ୍ଲୀ ସଂସଦରେ ଥିବା ବୈଠକରେ ଯୋଗ ଦେବା ପାଇଁ ଆସୁଥିଲେ ।
Sambad is now on WhatsApp
Join and get latest news updates delivered to you via WhatsApp
Air India Kolkata-Delhi flight (AI-021) was diverted to Amritsar due to traffic and low holding fuel, as advised by Air Traffic Control (ATC). Five MPs from Bengal (three Lok Sabha MPs and two Rajya Sabha MPs) are on-board; they were coming to attend Parliament today. pic.twitter.com/VrEZvGUwR0
— ANI (@ANI) August 5, 2019
ସୂଚନା ମୁତାବକ, କୋଲକାତାରୁ ଦିଲ୍ଲୀ ଆସୁଥିବା ଏୟାର ଇଣ୍ଡିଆ ବିମାନ ଏଆଇ-୦୨୧ରେ ଇନ୍ଧନ କମ ହୋଇ ଯାଇଥିବା ଜଣା ପଡ଼ିଥିଲା । ଏହା ସହ ଦିଲ୍ଲୀ ବିମାନ ବନ୍ଦରରେ ଟ୍ରାଫିକ ଅଧିକ ଥିବାରୁ ଏୟାର ଟ୍ରାଫିକ କଣ୍ଟ୍ରୋଲ ବିମାନକୁ ଅମୃତସରେ ଅବତରଣ କରାଇବା ପାଇଁ ପାଇଲଟଙ୍କୁ କହିଥିଲେ । ବିମାନ ମଧ୍ୟରେ ୩ଜଣ ଲୋକସଭା ସାଂସଦ ଓ ୨ଜଣ ରାଜ୍ୟସଭା ସାଂସଦ ଯାତ୍ରା କରୁଥିଲେ ବୋଲି ଜଣାପଡ଼ିଛି । ତେବେ ଏହା ପ୍ରଥମ ନୁହେଁ, ଏହା ପୂର୍ବରୁ ମଧ୍ୟ ଇନ୍ଧନ ସମସ୍ୟା ପାଇଁ ଏୟାର ଇଣ୍ଡିଆ ବିମାନକୁ ଅନ୍ୟ ବିମାନବନ୍ଦରରେ ଅବତରଣ କରାଯାଇଛି ।