ମେ ୪ରୁ ବିଭିନ୍ନ ଘରୋଇ ରୁଟ ପାଇଁ ବୁକିଂ ଆରମ୍ଭ କଲା ଏୟାର ଇଣ୍ଡିଆ
ନୂଆଦିଲ୍ଲୀ : ଏୟାର ଇଣ୍ଡିଆ ଆସନ୍ତା ମେ ୪ ତାରିଖରୁ ଘରୋଇ ବଜାରରେ ବିମାନ ଚଳାଚଳ ଆରମ୍ଭ କରିବାକୁ ଲକ୍ଷ୍ୟ ରଖିଛି । ଏହା ସହିତ ଆସନ୍ତା ଜୁନ ୧ରୁ ଅନ୍ତର୍ଜାତାତୀୟ ବିମାନ ଚଳାଚଳ ଆରମ୍ଭ କରିବାକୁ ମଧ୍ୟ ଯୋଜନା କରୁଛି ।
Sambad is now on WhatsApp
Join and get latest news updates delivered to you via WhatsApp
ଏୟାର ଇଣ୍ଡିଆ ପକ୍ଷରୁ ଜାରି ଏକ ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ବର୍ତ୍ତମାନର ବିଶ୍ୱ ସ୍ତରୀୟ ସ୍ୱାସ୍ଥ୍ୟ ସମସ୍ୟାକୁ ଦୃଷ୍ଟିରେ ରଖି ଆସନ୍ତା ମେ ୩ ପର୍ଯ୍ୟନ୍ତ କୌଣସି ଡୋମେଷ୍ଟିକ ଫ୍ଲାଇଟ ପାଇଁ ବୁକିଂ ରଖାଯିବ ନାହିଁ । ସେହିପରି ମେ ୩୧ ପର୍ଯ୍ୟନ୍ତ କୌଣସି ଅନ୍ତର୍ଜାତୀୟ ଫ୍ଲାଇଟ ପାଇଁ ବୁକିଂ ରଖାଯିବ ନାହିଁ । ଏହାର ଅର୍ଥ ହେଉଛି ଏୟାର ଇଣ୍ଡିଆର ଡୋମେଷ୍ଟିକ ଫ୍ଲାଇଟ ଆସନ୍ତା ମେ ୩ ପର୍ଯ୍ୟନ୍ତ ଓ ଇଣ୍ଟରନାସନାଲ ଫ୍ଲାଇଟ ମେ ୩୧ ପର୍ଯ୍ୟନ୍ତ ବନ୍ଦ ରହିବ ।
ସୂଚନାଯୋଗ୍ୟ ଯେ ଭାରତରେ ଆସନ୍ତା ମେ ୩ ପର୍ଯ୍ୟନ୍ତ ଲକଡାଉନ ଘୋଷଣା କରାଯାଇଛି । ଗତ ମାର୍ଚ୍ଚ ୨୪ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୧ ଦିନିଆ ଲକଡାଉନ ଘୋଷଣା କରିଥିଲେ । ତେବେ ଗତ ୧୪ ତାରିଖରେ ଏହାକୁ ଆଉ୧୯ ଦିନ ପାଇଁ ବଢାଇଦିଆଯାଇଥିଲା । ଏହି ଲକଡାଉନକୁ ଦୃଷ୍ଟିରେ ରଖ# ବିଭିନ୍ନ ବିମାନ ସେବା କମ୍ପାନି ନିଜର ବୁକିଂ ବନ୍ଦ ରଖିଛନ୍ତି ।