ଏୟାର ଏସିଆର ଆକର୍ଷଣୀୟ ଅଫର: ୯୯୯ ଟଙ୍କାରେ କରନ୍ତୁ ବିଦେଶ ଭ୍ରମଣ, ଭୁବନେଶ୍ୱର ପାଇଁ ରହିଛି ସ୍ୱତନ୍ତ୍ର ଅଫର
ନୂଆଦିଲ୍ଲୀ : ଆପଣ ନିକଟରେ ବିମାନ ଯାତ୍ରା କରିବା ପାଇଁ ଚିନ୍ତା କରୁଛନ୍ତି କି , ଏବେ ଆପଣଙ୍କ ପାଇଁ ସୁବର୍ଣ୍ଣ ସୁଯୋଗ ନେଇ ଆସିଛି ଏୟାର ଏସିଆ । ପ୍ରତି ବର୍ଷ ଭଳି ଏଥର ମଧ୍ୟ ଏୟାର ଏସିଆ ଗ୍ରାହକଙ୍କ ପାଇଁ ଆକର୍ଷଣୀୟ ଅଫର ନେଇ ଆସିଛି । ଅଫର ଅନୁଯାୟୀ, କେବଳ ୯୯୯ ଟଙ୍କାରେ ଜଣେ କେବଳ ଘରୋଇ ନୁହଁ ବରଂ କିଛି ଅନ୍ତର୍ଜାତିକ ବିମାନ ଯାତ୍ରା ମଧ୍ୟ କରିପାରିବେ । ତେବେ ଏହି ଅଫରରେ ଭୁବନେଶ୍ୱରରୁ ଯାଉଥିବା ବିମାନ ବି ସାମିଲ୍ ରହିଛି। ଏହାର ଟିକେଟ ମୂଲ୍ୟ ମଧ୍ୟ କମ ରହିଛି।
Sambad is now on WhatsApp
Join and get latest news updates delivered to you via WhatsApp
କ’ ଣ ରହିଛି ଅଫର : ଏୟାର ଏସିଆର େଓ୍ଵବସାବଇଟ୍ ଅନୁଯାୟୀ ଏହି ଅଫର ମଧ୍ୟରେ ବେଙ୍ଗାଲୁରୁ , ଗୋଆ , କୋଲକାତା, ହାଇଦ୍ରାବାଦ , ରାଞ୍ଚି ଆଦି ସହର ସାମିଲ ରହିଥିବା ବେଳେ ଆର୍ନ୍ତଜାତିକ ଉଡାଣ କ୍ଷେତ୍ରରେ ଏସିୟା , ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡର ସହର ସାମିଲ ରହିଛି। ଏହି ଅଫରଟି ୨୧ରୁ ୨୭ ମେ ୨୦୧୮ ମଧ୍ୟରେ ବୁକ୍ କରାଯାଇଥିବା ଟିକେଟ ଉପରେ ଲାଗୁଥିବା ବେଳେ ଏହି ଟିକେଟ ଦ୍ୱାରା ଆପଣ ୧ ନଭେମ୍ବର ୨୦୧୮ ରୁ ୧୩ ଅଗଷ୍ଟ ୨୦୧୯ ମଧ୍ୟରେ ଯାତ୍ରା କରିବାର ସମୟ ନିର୍ଦ୍ଧାରଣ କରାଯାଇଛି।
ସୂଚନା ଅନୁଯାୟୀ କୋଚି-ବେଙ୍ଗାଲୁରୁ , ବେଙ୍ଗାଲୁରୁ –କୋଚି , ଚେନ୍ନାଇ-ବେଙ୍ଗାଲୁରୁ ପାଇଁ ଟିକେଟ ମୂଲ୍ୟ ରହିଛି୯୯୯ ଟଙ୍କା। ଏଥିସହ ଭୁବନେଶ୍ୱର –ବେଙ୍ଗାଲୁରୁ , ଭୁବନେଶ୍ୱର- ହାଇଦ୍ରାବାଦ , ଭୁବନେଶ୍ୱର-ଚେନ୍ନାଇ ପାଇଁ ଟିକେଟ ମୂଲ୍ୟ ୧୬୯୯ ଟଙ୍କା ଓ ଭୁବନେଶ୍ୱର –କୋଲକାତା ଲାଗିା ଟିକେଟ ମୂଲ୍ୟ ରହିଛି୧୧୯୯ ଟଙ୍କ। ସେହିପରି ବେଙ୍ଗାଲୁରୁ-ରାଞ୍ଚି, ରାଞ୍ଚି- କୋଲକାତା ପାଇଁ ରହିଛି ୧୯୯୯ଟଙ୍କା ।
ଆନ୍ତର୍ଜାତିକ ବିମାନ ପାଇଁ ଭୁବନେଶ୍ୱରରୁ ବିମାନଗୁଡ଼ିକ ପାଇଁ ରହିଛି ଆକର୍ଷଣୀୟ ଅଫର । ଭୁବନେଶ୍ୱର – କୁଆଲାମ୍ପପୁର –ଜକାର୍ତ୍ତା ପାଇଁ ଟିକେଟ୍ ମୂଲ୍ୟ ୨୨୫୫ ଟଙ୍କା ରହିଥିବା ବେଳେ ଭୁବନେଶ୍ୱର- କୁଆଲାମ୍ପପୁର- ବ୍ୟାଙ୍କକ୍ ପାଇଁ ୪୬୩୨ ଟଙ୍କା ଟିକେଟ ମୂଲ୍ୟ ରହିଛି। ତେବେ ଏହି ଅଫରର ସମ୍ବନ୍ଧୀୟ ଅନ୍ୟ ସମସ୍ତ ସୂଚନା ଅପଣଙ୍କୁ ଏୟାର ଏସିଆର ସାଇଟ୍ରେ ମିଳିଯିବ ।