ନୂଆଦିଲ୍ଲୀ: ଭାରତରେ ଏୟାରଟେଲ ରିଚାର୍ଜ ଟାରିଫ ପ୍ଲାନ ଖୁବଶୀଘ୍ର ମହଙ୍ଗା ହେବାକୁ ଯାଉଛି, ଯେଉଁଥିପାଇଁ ଉପଭୋକ୍ତାଙ୍କୁ ବଡ ଝଟକା ଲାଗିପାରେ । ଏହାକୁ ନେଇ ଏୟାରଟେଲର ଅଧ୍ୟକ୍ଷ ସୁନୀଲ ମିତ୍ତଲ ଏକ ସାକ୍ଷାତକାରରେ କହିଥିଲେ ଯେ ଭାରତରେ ଖୁବଶୀଘ୍ର ଟେଲିକମ ଦର ବୃଦ୍ଧି ହେବାକୁ ଯାଉଛି । ତେବେ ଏନେଇ କୌଣସି ତାରିଖ ଘୋଷଣା କରାଯାଇନାହିଁ।
Sambad is now on WhatsApp
Join and get latest news updates delivered to you via WhatsApp
ଏୟାରଟେଲ ହେଉଛି ଭାରତର ଦ୍ୱିତୀୟ ବୃହତ୍ତମ ଟେଲିକମ୍ କମ୍ପାନୀ, ଯାହା ଆଗାମୀ ମାସରେ ଉପଭୋକ୍ତା ପିଛା ହାରାହାରି ରାଜସ୍ୱ ୩୦୦ କୋଟି ଟଙ୍କା ରେ ପହଞ୍ଚିବାକୁ ଲକ୍ଷ୍ୟ ରଖିଛି । ଏହି କାରଣରୁ ଏୟାରଟେଲର ରିଚାର୍ଜ ପ୍ଲାନ ମୂଲ୍ୟ ଖୁବଶୀଘ୍ର ବୃଦ୍ଧି ପାଇପାରେ ।
ଏୟାରଟେଲ ମଧ୍ୟ ନିଜର ୫ଜି ସେବା କଭରେଜ୍ ବଢ଼ାଇବା ପାଇଁ କାମ କରୁଛି। ଗତ କିଛି ବର୍ଷ ବିଷୟରେ କହିବାକୁ ଗଲେ ଏୟାରଟେଲ ରିଚାର୍ଜ ମୂଲ୍ୟରେ କୌଣସି ବଡ ବୃଦ୍ଧି ହୋଇନାହିଁ । ୨୦୨୧ ପରଠାରୁ ରିଚାର୍ଜ ପ୍ଲାନରେ କୌଣସି ବଡ଼ ପରିବର୍ତ୍ତନ ହୋଇନାହିଁ। ତେବେ ଏଥର ନିଶ୍ଚିତ ଭାବେ ଦର ବଢାଇବାର ସମୟ ଆସିଛି ବୋଲି ସେ ଏକ ସାକ୍ଷାତକାରରେ ଏହି ସୂଚନା ଦେଇଛନ୍ତି । ମିତ୍ତଲ କହିଛନ୍ତି ଯେ ଭାରତରେ ଟେଲିକମ ଶୁଳ୍କ ବୃଦ୍ଧି କରାଯାଇପାରେ । ତେବେ କେବେ ଏହି ବୃଦ୍ଧି କରାଯିବ ସେ ନେଇ ସେ କୌଣସି ସୂଚନା ଦେଇନାହାନ୍ତି ।