ନୂଆଦିଲ୍ଲୀ: ଦେଶର ପ୍ରମୁଖ ଟେଲିକମ କମ୍ପାନି ଏୟାରଟେଲ ଓ ଜିଓ ମଧ୍ୟରେ ପ୍ରତିଯୋଗିତା ଚରମ ସୀମାରେ ପହଞ୍ଚିଛି । ଜିଓ ପକ୍ଷରୁ କିଛିଦିନ ତଳେ ଜିଓଫୋନ ବ୍ୟବହାରକାରୀଙ୍କ ପାଇଁ ୧୫୩ ଟଙ୍କା ଅଫରକୁ ଆହୁରି ଆକର୍ଷଣୀୟ କରାଯିବା ପରେ ଏୟାରଟେଲ ମଧ୍ୟ ପଛରେ ରହିବାକୁ ଚାହୁଁନି । ଏୟାରଟେଲ ମଧ୍ୟ ନିଜର ପୂର୍ବ ଘୋଷିତ ଏକ ଅଫରକୁ ବଦଳାଇ ଆହୁରି ଆକର୍ଷଣୀୟ କରିଛି । ଏହି ପ୍ଲାନଟି ହେଉଛି ୧୬୯ ପ୍ଲାନ । ଏହି ପ୍ଲାନଟି ଏୟାରଟେଲ ପକ୍ଷରୁ ପ୍ରଦାନ କରାଯାଉଥିବା ମେରା ପେହଲା ସ୍ମାର୍ଟଫୋନ ସ୍କିମରେ ୪ଜି ହାଣ୍ଡସେଟ୍ ଗୁଡ଼ିକ ଉପରେ ପ୍ରଦାନ କରାଯାଉଥିଲା । ଏହି ମେରା ପେହଲା ସ୍ମାର୍ଟଫୋନ ସ୍କିମରେ ଏୟାରଟେଲ ଶସ୍ତା ଦରରେ ସ୍ମାର୍ଟଫୋନ ଦେଇଥାଏ । ଏହି ସ୍କମିରେ ପୂର୍ବରୁ ୧୬୯ ପ୍ଲାନ ପକାଇଲେ ଦିନକୁ ୫୦୦ ଏମବି ଡାଟା ମିଳୁଥିଲା । କିନ୍ତୁ ଏବେ ଏୟାରଟେଲ ତାହାକୁ ବଢାଇ ଦିନକୁ ୧ ଜିବି କରିଛି । ଏହାର ଭାଲିଡିଟି ୨୮ ଦିନ ପାଇଁ ରହିଥିଲା । ତେବେ ଏୟାରଟେଲ ମେରା ପେହେଲା ସ୍ମାର୍ଟଫୋନ ବ୍ୟବହାର କରୁନଥିବା ଗ୍ରାହକମାନେ ମଧ୍ୟ ୧୬୯ ପ୍ଲାନ ପକାଇପାରିବେ । ମାତ୍ର ଏହାର ଭାଲିଡିଟି ମାତ୍ର ୧୪ ଦିନ ରହିବ ।
Sambad is now on WhatsApp
Join and get latest news updates delivered to you via WhatsApp
କିଛଦିନ ପୂର୍ବେ ଜିଓ ପକ୍ଷରୁ ଜିଓ ଫୋନ ବ୍ୟବହାରକାରୀଙ୍କ ପାଇଁ ୧୫୩ ଟଙ୍କା ପ୍ଲାନକୁ ସଂଶୋଧିତ କରି ଦିନକୁ ୧.୫ ଜିବି ୪ଜି ଡାଟା ମଟ ୨୮ ଦିନ ପାଇଁ ପ୍ରଦାନ କରୁଛି ।