ଏୟାରଟେଲ ସେବାରେ ସମସ୍ୟା, ସୋସିଆଲ ମିଡିଆରେ ଅଭିଯୋଗ କରୁଛନ୍ତି ଗ୍ରାହକ

ନୂଆଦିଲ୍ଲୀ: ଏୟାରଟେଲର ବ୍ରୋଡବ୍ୟାଣ୍ଡ ଏବଂ ମୋବାଇଲ ସେବା ହଠାତ୍ ବ୍ୟାହତ ହୋଇଯିବା ଫଳରେ  ଗ୍ରାହକମାନେ ଶୁକ୍ରବାର ନେଟ ସମସ୍ୟାର ସମ୍ମୁଖୀନ ହୋଇଛନ୍ତି। ଏହି କାରଣରୁ ଲୋକଙ୍କ କାମ ମଧ୍ୟ ଠପ ହୋଇଯାଇଛି। ଦେଶର ଅନେକ ସହରର ଅନେକ ଗ୍ରାହକ ଏୟାରଟେଲର ନେଟୱାର୍କରେ ସମସ୍ୟା ବିଷୟରେ ଅଭିଯୋଗ କରିବାକୁ ଟ୍ୱିଟରର ସାହାଯ୍ୟ ନେଇଛନ୍ତି।

କମ୍ପାନି ପକ୍ଷରୁ ଦାବି କରାଯାଇଛି ଯେ ଆମର ଇଣ୍ଟରନେଟ୍ ସେବାରେ ଅସ୍ଥାୟୀ ବ୍ୟାଘାତ ଘଟିଛି । ଯାହା ସଂଶୋଧିତ ହୋଇଛି, କିନ୍ତୁ ସୋସିଆଲ ମିଡିଆ ମାଧ୍ୟମରେ ଦିଆଯାଉଥିବା ଅଭିଯୋଗ ଦର୍ଶାଉଛି ଯେ ଦେଶର ଅନେକ ସ୍ଥାନରେ ଏହି ସମସ୍ୟା ଦେଖା ଦେଇଛି। ବର୍ତ୍ତମାନ ବି ଏହି ସମସ୍ୟା ରହିଛି।

 

My Airtel Fiber went down, I was fiddling with the router to figure out what happened coz I had changed some settings yesterday night.

Saw on twitter #AirtelDown trending….LOL! Twitter saved the day:) Fortunately Airtel Fiber is back up again.

Was Airtel Fiber down for you?

— Ranjit (@geekyranjit) February 11, 2022

ଟ୍ୱିଟରର ଅନଲାଇନ୍ ରିପୋର୍ଟରୁ ଜଣାପଡିଛି ଯେ ଏହି ସମସ୍ୟା ବ୍ୟାପକ ହୋଇପାରେ।  ଏହା ଏୟାରଟେଲ୍ ମୋବାଇଲ୍ ଇଣ୍ଟରନେଟ୍ ଏବଂ କମ୍ପାନିର ବ୍ରୋଡବ୍ୟାଣ୍ଡ ଏବଂ ୱାଇ-ଫାଇ ସେବା ଉପରେ ପ୍ରଭାବ ପକାଉଛି। ଏଥିସହିତ ଏୟାରଟେଲର ଆପ୍ ମଧ୍ୟ ଏହି ସମୟରେ କାମ କରୁନାହିଁ ।

ସୋସିଆଲ ମିଡିଆରୁ ମିଳିଥିବା ସୂଚନା ଅନୁଯାୟୀ, ଦିଲ୍ଲୀ, ମୁମ୍ବାଇ, ନୋଏଡା, ଗାଜିଆବାଦ, ଗୁରୁଗ୍ରାମ ଏବଂ ଅନ୍ୟାନ୍ୟ ସ୍ଥାନରେ ଫାଇବର ଇଣ୍ଟରନେଟ, ବ୍ରୋଡବ୍ୟାଣ୍ଡରୁ ମୋବାଇଲ ନେଟୱାର୍କ ପର୍ଯ୍ୟନ୍ତ ସମସ୍ତ ଏୟାରଟେଲ ସଂଯୋଗ ହ୍ରାସ ପାଇଛି। ଫେବ୍ରୁଆରି ୧୧ ତାରିଖ ଦିନ ପ୍ରାୟ ୧୧.୧୦ ସମୟରୁ ଏୟାରଟେଲ ଇଣ୍ଟରନେଟରେ ସମସ୍ୟା ଦେଖା ଦେଇଛି।