ନୂଆଦିଲ୍ଲୀ: ଦୂରସଂଚାର ନିୟାମକ ଟ୍ରାଇର ସୁପାରିଶ କ୍ରମେ ଡିଜିଟାଲ କମ୍ୟୁନିକେସନ କମିଶନ ଭୋଡାଫୋନ,ଆଇଡ଼ିଆ ଓ ଏୟାରଟେଲ ଉପରେ ଜରିମାନା ଲାଗୁ କରିଛନ୍ତି | କମିଶନ ୩୦୫୦ କୋଟି ତାଙ୍କର ଜରିମାନା ଲଗାଇବାକୁ ମଞ୍ଜୁରୀ ଦେଇଛନ୍ତି | ଏହି ମାମଲାର ଶେଷ ନିଷ୍ପତ୍ତି ସରକାର ନେବେ | କମିଶନ ଏୟାରଟେଲ ଓ ଭୋଡାଫୋନ ଉପରେ ୨୧୦୦ କୋଟି ଟଙ୍କାର ଜରିମାନା ଲଗାଇଥିବାବେଳେ ଆଇଡ଼ିଆ ଉପରେ ୯୫୦ କୋଟି ଟଙ୍କାର ଜରିମାନା ଲଗାଇଛନ୍ତି |
Sambad is now on WhatsApp
Join and get latest news updates delivered to you via WhatsApp
ଏହି କମ୍ପାନୀମାନଙ୍କ ଉପରେ ଅଭିଯୋଗ ରହିଛି ଯେ ୨୦୧୬ ମସିହାରେ ରିଲାଏନ୍ସ ଜିଓ ଯେତେବେଳେ ଏହାର ବ୍ୟବସାୟ ଆରମ୍ଭ କରିଥିଲା ସେତେବେଳେ ତାହା ପାଖରେ ପଏଣ୍ଟ ଅଫ ଇଂଟରକନେକ୍ସନ ନଥିଲା | ଅଭିଯୋଗ ମୁତାବକ ଜିଓ ର ନେଟୱାର୍କକୁ ଦୁର୍ବଳ ଦେଖାଇବାକୁ ଜିଓ ର ଗ୍ରାହକମାନେ ଅନ୍ୟ କୌଣସି ନେଟୱାର୍କକୁ କଲ କରୁଥିଲେ ବି ଏହା ଲାଗୁନଥିଲା |
ଜିଓର ଅଭିଯୋଗ ପରେ ସବୁ ସର୍କଲ ହିସାବରେ ୫୦ କୋଟି ଟଙ୍କାର ସୁପାରିଶ କରାଯାଇଥିଲା | ଟ୍ରାଇର କହିବା ମୁତାବକ ଇଂଟରକନେକ୍ସନ ନ ଦେବା ମାମଲାରେ ଭାରତୀ ଏୟାରଟେଲ ଓ ଭୋଡାଫୋନର ୨୧-୨୧ ସର୍କଲ ଓ ଆଇଡିଆର ୧୯ଟି ସର୍କଲ ଏଭଳି କରିଥିବାର ଜଣାପଡିଥିଲା | ଏହାକୁ ବିଚାରକୁ ନେଇ ଏହି ଜରିମାନା ଲଗାଯାଇଛି |