ଭୁବନେଶ୍ବର: ଆଲେନ୍‌ ସାର୍ପ ପରୀକ୍ଷାରେ ସଫଳତା ହାସଲ କରିଥିବା ବିଦ୍ୟାର୍ଥୀମାନଙ୍କୁ ଆଜି ଆଲେନ୍ କ୍ୟାରିୟର ଇନଷ୍ଟିଚ୍ୟୁଟ୍ ତରଫରୁ ଚନ୍ଦ୍ରଶେଖରପୁର ସ୍ଥିତ ରେଳ ଅଡିଟୋରିୟମ୍‌ରେ ସମ୍ବର୍ଦ୍ଧିତ ଓ ପୁରସ୍କୃତ କରାଯାଇଛି। ବିଦ୍ୟାର୍ଥୀମାନଙ୍କୁ ନଗଦ ଅର୍ଥରାଶି, ମେଡାଲ୍ ଓ ସାର୍ଟିଫିକେଟ୍‌ ପ୍ରଦାନ କରାଯାଇଛି। ସଫଳତା ହାସଲ କରିଥିବା ବିଦ୍ୟାର୍ଥୀମାନଙ୍କୁ ଇନଷ୍ଟିଚ୍ୟୁଟ୍‌ର ଉପସଭାପତି ପଙ୍କଜ ବିର୍ଲା ଅଭିନନ୍ଦନ ଜଣାଇଛନ୍ତି। ଏହି ଅବସରରେ ଟପର୍‌ ଟକ୍କର ନାମକ ଏକ କାର୍ଯ୍ୟକ୍ରମ ମଧ୍ୟ ଆୟୋଜନ କରାଯାଇଥିଲା। ଆଲେନ୍ ସାର୍ପ ପରୀକ୍ଷା ହେଉଛି ସପ୍ତମରୁ ଏକାଦଶ (ବିଜ୍ଞାନ) ଶ୍ରେଣୀ ପର୍ଯ୍ୟନ୍ତ ପାଠପଢ଼ୁଥିବା ପିଲାମାନଙ୍କ ପାଇଁ ଏକ ସ୍କଲାରସିପ୍ ପରୀକ୍ଷା। ପରୀକ୍ଷାରେ ସଫଳତା ଅନୁଯାୟୀ ଛାତ୍ରଛାତ୍ରୀଙ୍କୁ ଆଲେନ୍ ପକ୍ଷରୁ ୯୦% ପର୍ଯ୍ୟନ୍ତ ସ୍କଲାରସିପ୍ ପ୍ରଦାନ କରାଯାଉଛି।