ମୁମ୍ବାଇ : ବଜାରରେ ପ୍ରଚଳିତ ସବୁ ମୂଲ୍ୟର କଏନ (ମୁଦ୍ରା) ବୈଧ ଓ ଲୋକମାନେ ସେଗୁଡ଼ିକୁ ନିର୍ଦ୍ୱନ୍ଦରେ ଗ୍ରହଣ କରିପାରିବେ ବୋଲି ରିଜର୍ଭ ବ୍ୟାଙ୍କ ଆଜି ସ୍ପଷ୍ଟ କରିଦେଇଛି । ଏହା ସହିତ ଲୋକମାନଙ୍କଠାରୁ ସବୁ ପ୍ରକାରର କଏନ ଗ୍ରହଣ କରିବାକୁ ରିଜର୍ଭ ବ୍ୟାଙ୍କ ବ୍ୟାଙ୍କମାନଙ୍କୁ ପୁଣି ଥରେ ନିଜ ନିର୍ଦ୍ଦେଶକୁ ଦୋହରାଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ରିଜର୍ଭ ବ୍ୟାଙ୍କ ପକ୍ଷରୁ ଏକ ବକ୍ତବ୍ୟ ଜାରି କରି କୁହାଯାଇଛି ଯେ ବିଭିନ୍ନ ସମୟରେ ବିଭିନ୍ନ ମୂଲ୍ୟର କଏନ ରିଜର୍ଭ ବ୍ୟାଙ୍କ ବଜାରକୁ ଛାଡିଥାଏ । ବର୍ତ୍ତମାନ ବଜାରରେ ୧,୨,୫ ଓ ୧୦ ଟଙ୍କିଆ କଏନ ପ୍ରଚଳିତ ଅଛି । କିନ୍ତୁ ଏଗୁଡ଼ିକୁ ନେଇ ଲୋକମାନଙ୍କ ମଧ୍ୟରେ ବିଭିନ୍ନ ପ୍ରକାରର ଗୁଜବ ଶୁଣିବାକୁ ମିଳୁଛି । ଏହା ଫଳରେ ଅନେକ ସମୟରେ ଏସବୁ କଏନଗୁଡ଼ିକର ବୈଧତାକୁ ନେଇ ଲୋକମାନଙ୍କ ମଧ୍ୟରେ ସଂଦେହ ଦେଖାଦେଉଛି ଓ ଲୋକମାନେ ଓ ବ୍ୟବସାୟୀମାନେ ଏଗୁଡ଼ିକୁ ଗ୍ରହଣ କରିବାକୁ କୁଣ୍ଠାବୋଧ କରୁଛନ୍ତି । କିନ୍ତୁ ଏପରି ଗୁଜବରେ ବିଶ୍ୱାସ ନ କରିବାକୁ ଓ ସବୁ ପ୍ରକାରର କଏନ ଗ୍ରହଣ କରିବାକୁ ରିଜର୍ଭ ବ୍ୟାଙ୍କ ଲୋକମାନଙ୍କୁ ନିବେଦନ କରିଛି ।