ନୂଆଦିଲ୍ଲୀ: ଦେଶରେ ଥିବା ସମସ୍ତ ୮୫୦୦ ଷ୍ଟେସନ୍ ଏବଂ ୧୧ ହଜାର ଟ୍ରେନ୍ରେ ସିସିଟିଭି କ୍ୟାମେରା ଲଗାଇବାକୁ ରେଳବାଇ ଲକ୍ଷ୍ୟ ରଖିଛି। ଏ ବିଷୟରେ ଚଳିତ ବର୍ଷ ବଜେଟ୍ରେ ଘୋଷଣା କରାଯାଇପାରେ। ଯାତ୍ରୀମାନଙ୍କୁ ସୁରକ୍ଷିତ ଯାତ୍ରାର ଅନୁଭୂତି ପ୍ରଦାନ କରିବା ପାଇଁ ସିସିଟିଭି ଜରିଆରେ ଷ୍ଟେସନ ଓ ଟ୍ରେନ୍ ଉପରେ ରେଳବାଇ ନଜର ରଖିବାକୁ ଚାହୁଁଛି। ସବୁ ଟ୍ରେନ୍ ଓ ଷ୍ଟେସନ୍ରେ ୧୨ ଲକ୍ଷ ସିସିଟିଭି ଲଗାଇବା ପାଇଁ ରେଳବାଇ ଯୋଜନା ରଖିଛି। ଏଥିପାଇଁ ପାଖାପାଖି ୩୦୦୦ କୋଟି ଟଙ୍କା ଦରକାର। ଷ୍ଟେସନ୍ର ପ୍ରବେଶ ପଥଠାରୁ ଆରମ୍ଭ କରି ଅନ୍ୟ ସବୁ ପ୍ରମୁଖ ସ୍ଥାନଗୁଡ଼ିକ ଉପରେ ରେଳବାଇ ସିସିଟିଭି ଜରିଆରେ ନଜର ରଖିବ।