ନୂଆଦିଲ୍ଲୀ: ବଜାରରେ ପ୍ରବେଶ କରିବାର ୧୩ ମାସ ଭିତରେ ହୋଣ୍ଡାର ସମ୍ପୂର୍ଣ୍ଣ ନୂଆ ଆମେଜ୍ର ବିକ୍ରି ୧ ଲକ୍ଷ ମାଇଲଖୁଣ୍ଟ ଅତିକ୍ରମ କରିଛି। ୨୦୧୮ ମେ’ରେ ଏହାକୁ ଉନ୍ମୋଚନ କରାଯାଇଥିଲା। ପୂର୍ବରୁ ହୋଣ୍ଡାର କୌଣସି ମଡେଲ୍ ଏତେ ଶୀଘ୍ର ୧ ଲକ୍ଷ ବିକ୍ରି ସ୍ତର ହାସଲ କରିପାରିନଥିଲେ। ଏହି ସଫଳତାର ଉତ୍ସବକୁ ପାଳନ କରିବା ପାଇଁ କଂପାନି ପକ୍ଷରୁ ହୋଣ୍ଡା ଆମେଜ୍ର ଏକ ସ୍ବତନ୍ତ୍ର ଏଡିସନ୍କୁ ଉନ୍ମୋଚନ କରାଯାଇଛି। ଏହା ଉଭୟ ପେଟ୍ରୋଲ୍ ଓ ଡିଜେଲ ବିକଳ୍ପରେ ଉପଲବ୍ଧ ହେବ। ଏହା ତିନି ରଙ୍ଗ ରାଡିଆଣ୍ଟ୍ ରେଡ୍, ଲୁନାର୍ ସିଲ୍ଭର୍ ଓ ହ୍ବାଇଟ୍ ଅର୍କିଡ୍ ପର୍ଲରେ ମିଳିବ। ଆମେଜ୍ର ନୂତନ ମଡେଲ୍କୁ ଉନ୍ମୋଚନ କରି ଆମେ ବହୁତ ଖୁସି ବୋଲି କଂପାନିର ବରିଷ୍ଠ ଉପସଭାପତି ରାଜେଶ ଗୋଏଲ କହିଛନ୍ତି। ଆମେଜ୍ର ସ୍ବତନ୍ତ୍ର ଏଡିସନ୍ର ଏକ୍ସ ସୋ’ରୁମ୍ ଦର ୮,୭୨,୨୦୦ ଟଙ୍କାରୁ ଆରମ୍ଭ ହୋଇଛି।