ନଡ଼ିଆ ଷଢ଼େଇକୁ ୧୪୦୦ଟଙ୍କାରେ ବିକୁଛି ଆମାଜନ୍: ଲୋକେ କହିଲେ;ଧନୀ ହେବାର ବାଟ ମିଳିଗଲା
ନୂଆଦିଲ୍ଲୀ : ଭାରତରେ ଅନ୍ଲାଇନ୍ ସପିଂ ସାଇଟ୍ଗୁଡ଼ିକ କିଛି ବର୍ଷ ମଧ୍ୟରେ କିଣାକିଣି ପାଇଁ ଏକ ବଡ଼ ବଜାର ପାଲଟିଛି । ସମୟ ଅଭାବ ପାଇଁ ଲୋକମାନେ ବଜାରକୁ ନ ଯାଇ ଅନ୍ଲାଇନ୍ରେ ଜିନିଷ କିଣୁଛନ୍ତି। ଘରକରଣାଠାରୁ ଆରମ୍ଭ କରିବା ଖାଇବା ପର୍ଯ୍ୟନ୍ତ ସବୁ କିଛି ଲୋକମାନେ ଅନ୍ଲାଇନ୍ କରିବାକୁ ପସନ୍ଦ କରୁଛନ୍ତି । କିନ୍ତୁ ବେଳେ ବେଳେ ଲୋକମାନେ ଅନ୍ଲାଇନ୍ ଜିନିଷ ଅର୍ଡ଼ର କରି ଠକାମିର ଶିକାର ହୋଇଥାନ୍ତି । ଗୋଟେ ଜିନିଷ ଅର୍ଡ଼ର କରିଥିଲେ ସେମାନଙ୍କୁ ଆଉ ଗୋଟେ ଜିନିଷ ମିଳିଥାଏ । ଏହା ସହ ବେଳେ ବେଳେ ଗ୍ରାହକଙ୍କୁ ଭ୍ରମିତ କରିବା ପାଇଁ ଅନ୍ଲାଇନ୍ ସାଇଟ୍ରେ ବିଚିତ୍ର ଜିନିଷର ବିକ୍ରି ଆରମ୍ଭ କରି ଦିଆ ଯାଇଥାଏ । ଏବେ ଆମାଜନ ନିଜ ସାଇଟ୍ରେ ନଡ଼ିଆ ଷଢ଼େଇ ବିକ୍ରି କରୁଥିବାର ଫଟୋ ଭାଇରାଲ ହେବାରେ ଲାଗିଛି ।
Sambad is now on WhatsApp
Join and get latest news updates delivered to you via WhatsApp
ଦୁନିଆର ସବୁଠାରୁ ବଡ଼ ଇ-କର୍ମସ କମ୍ପାନୀ ଆମାଜନ ନଡ଼ିଆ ଷଢ଼େଇକୁ ୧୪୦୦ଟଙ୍କାରେ ବିକୁଥିବା ଦେଖି ଲୋକମାନେ ଚର୍ଚ୍ଚା କରିବା ଆରମ୍ଭ କରିଛନ୍ତି । ଏଭଳି ଖବରକୁ ଲୋକମାନେ ବିଶ୍ୱାସ କରିପାରୁ ନଥିବା ବେଳେ ଏହା ସତ ବୋଲି ଜଣାପଡ଼ିଛି । ଆମାଜନ ୧୩୬୫ଟଙ୍କାରେ ନଡ଼ିଆ ଷଢ଼େଇକୁ ବିକ୍ରି କରୁଛି । େଓ୍ଵବ୍ସାଇଟ୍ରେ ନଡ଼ିଆ ଷଢ଼େଇକୁ ସେଞ୍ଚୁରୀ ନୋବଲ୍ଟୀ ନାମକ ଜଣେ ବ୍ୟକ୍ତି ବିକୁଥିବା ଜଣା ପଡ଼ିଛି । ଏହା ସହ ଏହାକୁ କିଣିବା ପାଇଁ ଇଏମ୍ଆଇର ମଧ୍ୟ ସୁବିଧା ଦିଆ ଯାଇଥିବା ଦେଖା ଯାଇଛି ।
Me thinking about the 1365 coconut shells we threw in the trash can last year ? https://t.co/FwbzAoiZWN
— idlemind (@simplyfilmy) January 15, 2019
ଆମାଜନରେ ନଡ଼ିଆ ଷଢ଼େଇକୁ ଦେଖି ଭାରତରେ ଲୋକମାନେ ଆଶ୍ଚର୍ଯ୍ୟ ହୋଇଛନ୍ତି । ନଡ଼ିଆର ଦାମ୍ଠାରୁ ନଡ଼ିଆର ଷଢ଼େଇ ଦାମ୍ ଅଧିକ ଥିବା ଦେଖି ଲୋକଙ୍କ ମଧ୍ୟରେ ଚର୍ଚ୍ଚା ଆରମ୍ଭ ହୋଇଛି । ଖବରଟି ପ୍ରସାର ହେବା ପରେ ଅମାଜନ ଏହାର ଦାମ୍ କମାଇ ୯୯୯ଟଙ୍କା କରି ଦେବା ସହ ଲୋକେ ଧନୀ ହେବାର ବାଟ ମିଳିଗଲା ବୋଲି କହିବା ଆରମ୍ଭ କରିଛନ୍ତି ।