ସବକୋ ସହି ଓଡ଼ିଶା ଦିଖାୟା : ଏହି ଶୀର୍ଷକରେ ପୋଷ୍ଟର ସେୟାର କରି ‘ଫନି’ ମୁକାବିଲାକୁ ପ୍ରଶଂସା କଲା ଅମୁଲ୍
ଭୁବନେଶ୍ବର : ପ୍ରଳୟଙ୍କାରୀ ବାତ୍ୟା ଫୋନିକୁ ସଫଳତାର ସହ ମୁକାବିଲା ପାଇଁ ଚାରିଆଡୁ ଉଚ୍ଚ ପ୍ରଂଶସିତ ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ନବୀନଙ୍କୁ ପ୍ରଶଂସା କରିବାକୁ ପଛାଇ ନାହାନ୍ତି। ମିଳିତ ଜାତିସଂଘ ପକ୍ଷରୁ ମଧ୍ୟ ବାତ୍ୟା ମୁକାବିଲା ପାଇଁ ନବୀନଙ୍କ ଫର୍ମୁଲାକୁ ମଧ୍ୟ ବେଶ ପ୍ରଂଶସା କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
#Amul Topical: Govt’s commendable preparation for Cyclone Fani.. pic.twitter.com/avqgEokpZC
— Amul.coop (@Amul_Coop) May 6, 2019
ଏସବୁ ଭିତରେ ଦେଶର ପ୍ରମୁଖ ଦୁଗ୍ଧ ସାମଗ୍ରୀ ଉତ୍ପାଦନକାରୀ କମ୍ପାନି ଅମୁଲ ରାଜ୍ୟ ସରକାରଙ୍କ ବାତ୍ୟା ମୁକାବିଲା କୌଶଳକୁ ପ୍ରଂଶସା କରିବାକୁ ଯାଇ ନିଜ ଟ୍ୱିଟର ପେଜରେ ଏକ ପୋଷ୍ଟର ସେୟାର କରିଛି । ଯେଉଁଥିରେ ବାତ୍ୟା ଫୋନି ଆସିବାର ୨୪ ଘଣ୍ଟା ମଧ୍ୟରେ ରାଜ୍ୟ ସରକାର ୧୨ ଲକ୍ଷ ଲୋକଙ୍କୁ ସ୍ଥାନାନ୍ତରଣ କରିବା, ରିଲିଫ୍ ବଣ୍ଟନ ଓ ଉଦ୍ଧାର କାର୍ଯ୍ୟକୁ ବେଶ ପ୍ରଂଶସା କରାଯାଇଛି । ରାଜ୍ୟ ସରକାରଙ୍କ ବାତ୍ୟା ପ୍ରସ୍ତୁତିର ପ୍ରଶଂସା କରିବାକୁ ଏକ ସ୍ବତନ୍ତ୍ର ପୋଷ୍ଟର ରିଲିଜ୍ କରିଛି ଅମୁଲ କମ୍ପାନି ।
Thank @Amul_Coop for featuring #Odisha’s effort during #CycloneFani in its iconic ad series. Odisha appreciates. https://t.co/aJRqfOeDQA
— Naveen Patnaik (@Naveen_Odisha) May 6, 2019
ଏହି ପୋଷ୍ଟରରେ ବାତ୍ୟା ଫୋନିର ବିଭୀଷିକା ସହ ଉଦ୍ଧାର କାର୍ଯ୍ୟର ଚିତ୍ର ଦର୍ଶାଯାଇଛି । ଏହାସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅମୁଲ ଗର୍ଲ କିଛି କହୁଥିବାର ଦର୍ଶାଯାଇଛି । ଏହି ପୋଷ୍ଟରର ଟ୍ୟାଗ୍ ଲାଇନ ରହିଛି -ସବକୋ ସହି ଓଡ଼ିଶା ଦିଖାୟା । ବିପର୍ଯ୍ୟୟ ମୁକାବିଲା ନେଇ ଅନ୍ୟମାନଙ୍କୁ ରାସ୍ତା ଦେଖାଇଛି ଓଡିଶା । ସାଧାରଣତଃ ବିଭିନ୍ନ କ୍ଷେତ୍ରରେ ଭଲ କାମ କରିଥିବା ଲୋକଙ୍କୁ ନେଇ ଅମୁଲ କମ୍ପାନି ଏଭଳି ପୋଷ୍ଟର ପ୍ରସ୍ତୁତ କରିଥାଏ।
ଅମୁଲ କମ୍ପାନି ପକ୍ଷରୁ ଛଡାଯାଇଥିବା ପୋଷ୍ଟରକୁ ସେୟାର କରିବା ସହ କମ୍ପାନିକୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।