ଅଗଷ୍ଟରେ ୧.୪୩ ଲକ୍ଷ କୋଟିର ଜିଏସଟି ସଂଗ୍ରହ
ନୂଆଦିଲ୍ଲୀ : ନିକଟରେ ସମାପ୍ତ ଅଗଷ୍ଟ ମାସରେ ଦେଶର ଜିଏସଟି ରାଜସ୍ବ ସଂଗ୍ରହ ୧.୪୩ ଲକ୍ଷ କୋଟିକୁ ହ୍ରାସ ପାଇଛି । ଏହା ଜୁଲାଇର ଜିଏସଟି ରାଜସ୍ବ ୧.୪୯ ଲକ୍ଷ କୋଟି ତୁଳନାରେ ୪ ପ୍ରତିଶତ କମ । କିନ୍ତୁ ୨୦୨୧ ଅଗଷ୍ଟ ତୁଳନାରେ ଏହା ୨୮ ପ୍ରତିଶତ ଅଧିକ । ୨୦୨୧ ଅଗଷ୍ଟରେ ଜିଏସଟି ସଂଗ୍ରହ ୧.୧୨ ହଜାର କୋଟିକୁ ହ୍ରାସ ପାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଅଗଷ୍ଟ ମାସରେ ସଂଗ୍ରହ ହୋଇଥିବା ୧୪୩,୬୧୨ କୋଟିର ଜିଏସଟି ମଧ୍ୟରୁ କେନ୍ଦ୍ରୀୟ ଜିଏସଟି ଟ. ୨୪,୭୧୦ କୋଟି, ରାଜ୍ୟ ଜିଏସଟି ଟ.୩୦,୯୫୧ କୋଟି, ଇଣ୍ଟିଗ୍ରେଟେଡ ଜିଏସଟି ୭୭,୭୮୨ କୋଟି ଟଙ୍କା ଓ ସେସ ୧୦୧୬୮ କୋଟି ଟଙ୍କା ଅନ୍ତର୍ଭୁକ୍ତ ବୋଲି କେନ୍ଦ୍ର ଅର୍ଥ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ଏହି ମାସରେ ଓଡ଼ିଶାରେ ଜିଏସଟି ସଂଗ୍ରହ ୧୭ ପ୍ରତିଶତ ବୃଦ୍ଧି ପାଇ ୩୮୮୪ କୋଟିରେ ପହଞ୍ଚିଛି ।
ଏହା ସହିତ ଚଳିତ ଆର୍ଥିକ ବର୍ଷରେ କ୍ରମାଗତ ୫ ମାସ ଧରି ଦେଶର ଜିଏସଟି ସଂଗ୍ରହ ୧ ଲକ୍ଷ ୪୦ ହଜାର କୋଟି ଉପରେ ରହିଛି । ଗତ ୨୦୨୦ରେ କରୋନା ମହାମାରୀ ବ୍ୟାପିବା ପରେ ଦେଶର ଜିଏସଟି ଆଦାୟ ଗୁରୁତର ଭାବେ ପ୍ରଭାବିତ ହୋଇଥିଲା । ୨୦୨୧ରେ ୨ୟ ଲହର ଆସିବା ପରେ ଜିଏସଟି ସଂଗ୍ରହ ପୁଣି ଥରେ ପ୍ରଭାବିତ ହୋଇଥିଲା । କିନ୍ତୁ ମହାମାରୀ କମିବା ପରେ ଦେଶର ଅର୍ଥନୀତି ପୁଣି ସୁଧୁରିବା ଆରମ୍ଭ କରିଛି ।