କରୋନା ମହାମାରୀ : ଗତ ୨୦ ବର୍ଷରେ ସବୁଠୁ ବଡ଼ ସଂକଟର ସମ୍ମୁଖୀନ ହେଉଛି ଅଟୋମୋବାଇଲ ଶିଳ୍ପ
ନୂଆଦିଲ୍ଲୀ : କରୋନା ଭାଇରସ ମହାମାରୀ ଓ ଲକଡାଉନ ଯୋଗୁଁ ଭାରତୀୟ ଅଟୋମୋବାଇଲ ଶିଳ୍ପ ଏକ ବଡ଼ ସମସ୍ୟାର ସମ୍ମୁଖୀନ ହେଉଛି । କିନ୍ତୁ ଲକଡାଉନ ମିଆଦ ବଢିବା ପରେ ଏହି ସମସ୍ୟା ଆଗକୁ ଆହୁରି ଗମ୍ଭୀର ହେବାର ଆଶଙ୍କା ଦୃଢ ହେବାରେ ଲାଗିଛି । ଏହି ଉଦ୍ୟୋଗ ଗତ ୨୦ ବର୍ଷରେ ସବୁଠାରୁ ଖରାପ ସମୟ ଦେଇ ଗତି କରୁଛି ବୋଲି କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ଅଟୋମୋବାଇଲ ଶିଳ୍ପ ସଂଗଠନ ସିଆମ ପକ୍ଷରୁ ପ୍ରକାଶିତ ତଥ୍ୟ ଅନୁସାରେ ଗତ ମାର୍ଚ୍ଚ ମାସରେ ଦେଶରେ ଅଟୋମୋବାଇଲ ବିକ୍ରି ପ୍ରାୟ ୪୫ ପ୍ରତିଶତ ହ୍ରାସ ପାଇ ୧୦ ଲକ୍ଷ ୫୦ ହଜାର ୩୬୭ରେ ପହଞ୍ଚିଛି । ମାର୍ଚ୍ଚ ୨୦୧୯ରେ ଏହା ୧୯ ଲକ୍ଷ ୮ ହଜାର ଥିଲା ।
ଗତ ମାର୍ଚ୍ଚ ମାସରେ ଯାତ୍ରୀବାହୀ ଯାନ ବିକ୍ରି ୫୧ ପ୍ରତିଶତ ହ୍ରାସ ପାଇ ୧ଲକ୍ଷ ୪୩ ହଜାର ୟୁନିଟରେ ପହଞ୍ଚିଛି । କିନ୍ତୁ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି ବାଣିଜ୍ୟିକ ଯାନ କ୍ଷେତ୍ର । ଦେଶରେ ବାଣିଜ୍ୟିକ ଯାନ ବିକ୍ରି ପ୍ରାୟ ୮୧ ପ୍ରତିଶତ ହ୍ରାସ ପାଇଛି । ତିନିଚକିଆ ଯାନ ପ୍ରାୟ ୫୮ ପ୍ରତିଶତ ଓ ଦୁଇଚକିଆ ଯାନ ୪୦ ପ୍ରତିଶତ ହ୍ରାସ ପାଇଛି ।
ସ୍ଥିତି ଏପରି ହୋଇଛି ଯେ ସରକାରଙ୍କ ତରଫରୁ କୌଣସି ପ୍ୟାକେଜ ଘୋଷଣା କରାନଗଲେ ସ୍ଥିତି ଆହୁରି ବିଗିଡ଼ିବାର ଆଶଙ୍କା ରହିଛି ।