ମୁମ୍ବାଇ: ଏଭିଭା ଜୀବନ ବୀମା କମ୍ପାନୀ ଉପରେ ଦେବାଳିଆ ହେବା ଭଳି ସ୍ଥିତି ସୃଷ୍ଟି ହୋଇପାରେ | ନ୍ୟାସନାଲ କମ୍ପାନୀ ଲ ଟ୍ରିବ୍ୟୁନାଲ ଏଭିଭା ଲାଇଫ ଇନ୍ସ୍ୟୁରାନ୍ସ ସମ୍ବଦ୍ଧିତ ଏକ ଯାଚିକାକୁ ସ୍ୱୀକାର କରିନେଇଛନ୍ତି | ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି | ଏଭିଭା ବିରୋଧରେ ଏହି ଯାଚିକା ଏପିଜେ ଟ୍ରଷ୍ଟ ପକ୍ଷରୁ ଦାୟର କରାଯାଇଥିଲା | ଯାଚିକା ସ୍ୱୀକାର ହେବା ପରେ ଟ୍ରିବ୍ୟୁନାଲର ଦିଲ୍ଲୀ ଶାଖା ପକ୍ଷରୁ ଏହାର ତଦନ୍ତ କରିବାକୁ ନିର୍ଦ୍ଦେଶ ଦିଆଯାଇଛି | ମିଳିଥିବା ସୂଚନା ମୁତାବକ ଜୁନ ୨୦୦୮ ମସିହାରେ ଏଭିଭା ପକ୍ଷରୁ ଏପିଜେ ଟ୍ରଷ୍ଟ ପକ୍ଷରୁ ମୁମ୍ବାଇଠାରେ ଏକ ଅଫିସକୁ ଭଡା ସୂତ୍ରରେ ନିଆଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ଯାଚିକା କର୍ତ୍ତାଙ୍କ କହିବା ମୁତାବକ ଏଭିଭା ପକ୍ଷରୁ ଏହି ଅଫିସ ପାଇଁ ପାଖାପାଖି ୨୮ ଲକ୍ଷ ଟଙ୍କା ଭଡା ବାକି ରହିଛି | ଏପିଜେ ଟ୍ରଷ୍ଟ ପକ୍ଷରୁ ଏପ୍ରିଲ ମାସରେ ଦେବାଳିଆ ଆଇନର ଧାରା ୮ ଅନୁସାରେ ଏହି ଭଡା ଅର୍ଥ ପାଇବା ପାଇଁ ନୋଟିସ ପଠାଯାଇଥିଲା | ତେବେ ଏହି ନୋଟିସକୁ ଏଭିଭା ପକ୍ଷରୁ ପ୍ରତ୍ୟାଖାନ କରାଯିବା ସହ କୌଣସି ଭଡା ଅର୍ଥ ଦେବାକୁ ମନା କରିଦିଆଯାଇଥିଲା |
କମ୍ପାନୀ ପକ୍ଷରୁ କୁହାଯାଇଥିଲା ଯେ ଏହା ଏକ ଇନ୍ସ୍ୟୁରାନ୍ସ କମ୍ପାନୀ ହୋଇଥିବାରୁ ବିତ୍ତିୟ କ୍ଷେତ୍ର ନିୟାମକ ଅନୁସାରେ ହିଁ ପରିଚାଳିତ ହେବ | ଦୁଇ ପକ୍ଷର ଦଲିଲ ଶୁଣିବା ପରେ ଟ୍ରିବ୍ୟୁନାଲ ଏଭିଭା ବିରୋଧରେ ଦେବାଳିଆ ପ୍ରକ୍ରିୟା ଆରମ୍ଭ କରିବାକୁ ଆଦେଶ ଦେଇଛନ୍ତି |