କେନ୍ଦ୍ରମନ୍ତ୍ରୀଙ୍କ ଦ୍ବାରା ୧୦ ହଜାର କୋଟିର ଆୟୁଷ୍ମାନ ସହକାର ପାଣ୍ଠିର ଶୁଭାରମ୍ଭ
ଜାତୀୟ କୃଷି ଓ କୃଷକମଙ୍ଗଳ ମନ୍ତ୍ରାଳୟ ଅଧିନସ୍ଥ ଶୀର୍ଷ ସ୍ୱୟଂଚାଳିତ ଆର୍ଥିକ ସଂସ୍ଥା “ରାଷ୍ଟ୍ରୀୟ ସହକାରୀ ବିକାଶ ନିଗମ” ସମବାୟ ସଂସ୍ଥାମାନଙ୍କୁ ସହାୟତା ଓ ପ୍ରେତ୍ସାହନ ଉଦ୍ଦେଶ୍ୟରେ ଏକ ଅଭିନବ ତଥା ଅନନ୍ୟ ଯୋଜନା ପ୍ରଣୟନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
“ଆୟୁଷ୍ମାନ ସହକାର” ନାମଯୁକ୍ତ ଉକ୍ତ ଯୋଜନା କେନ୍ଦ୍ରୀୟ ରାଜ୍ୟ କୃଷି ମନ୍ତ୍ରୀ ପୁରୁଷୋତ୍ତମ ରୂପାଲାଙ୍କ ଦ୍ୱାରା ୧୯ ଅକ୍ଟୋବର ୨୦୨୦ ରେ ଉନ୍ମୋଚିତ ହୋଇଯାଇଛି । ଏହି ଉପଲକ୍ଷେ ଶ୍ରୀ ରୂପାଲା ପ୍ରଗତିଶୀଳ ସହକାର ମାନଙ୍କୁ ଆଗାମୀ ବର୍ଷ ମାନଙ୍କରେ ୧୦,୦୦୦ କୋଟିର ସର୍ତମୂଳକ ମିଆଦୀ ଋଣ ପ୍ରଦାନ କରିବାର ଘୋଷଣା କରିଛନ୍ତି । ତାଙ୍କ ମତରେ କରୋନା ମହାମାରୀକୁ ଦୃଷ୍ଟିରେ ରଖି ଏହି ଯୋଜନା ପ୍ରଣୟନ କରାଯାଉଛି । “ରାଷ୍ଟ୍ରୀୟ ସହକାରୀ ବିକାଶ ନିଗମ” ଦ୍ୱାରା ପ୍ରଣୀତ ଉକ୍ତ ଯୋଜନା କୃଷକମାନଙ୍କ ସର୍ବାଙ୍ଗୀନ ମଙ୍ଗଳ ସାଧନ କରିବାରେ ସହାୟକ ହୋଇ ପାରିବ ।
ନିଗମର ପରିଚାଳନା ନିର୍ଦ୍ଦେଶକ ସୁଦୀପ ନାୟକ ପ୍ରକାଶ କରିଛନ୍ତି ଯେ, ରାଷ୍ଟ୍ରୀୟ ସ୍ତରରେ ୫୨ କୋଟି ସ୍ୱାସ୍ଥ୍ୟ କେନ୍ଦ୍ର ଏ ଦିଗରେ କାର୍ଯ୍ୟ କରୁଛନ୍ତି । ସେ ଗୁଡ଼ିକର ଶଯ୍ୟା ସଂଖ୍ୟା ପ୍ରାୟ ୫,୦୦୦ । ନିଗମ ପ୍ରଦତ୍ତ ଉକ୍ତ ପୁଞ୍ଜି କୃଷକ ମାନଙ୍କ ସ୍ୱାସ୍ଥନ୍ନୋତି ଦିଗରେ ନିଶ୍ଚିତ ଭାବେ ସହାୟକ ହୋଇପାରିବ ।