ମୁମ୍ବାଇ : ମୁମ୍ବାଇରେ ଆଉ ଏକ ଦାମୀ ରିଅଲ ଇଷ୍ଟେଟ ଡିଲ୍ ହୋଇଛି । ବଜାଜ ଅଟୋ ଅଧ୍ୟକ୍ଷ ନିରଜ ବଜାଜ ୨୫୨.୫ କୋଟି ଟଙ୍କା ଦେଇ ମୁମ୍ବାଇର ସବୁଠାରୁ ଦାମୀ ଆପାର୍ଟମେଣ୍ଟ କିଣିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଦକ୍ଷିଣ ମୁମ୍ବାଇର ଓ୍ବାକେଶ୍ବରଠାରେ ନିର୍ମାଣାଧୀନ ଲୋଧା ମାଲାବାର ପ୍ୟାଲେସ୍ ଆପାର୍ଟମେଣ୍ଟରେ ଥିବା ଏକ ଲଜଦୁରୀ ଟ୍ରିପ୍ଲେକ୍ସ ପେଣ୍ଟହାଉସକୁ ସେ କିଣିଛନ୍ତି । ଏହି କ୍ରୟ ପାଇଁ ୧୫.୧୫ କୋଟି ଟଙ୍କାର ଷ୍ଟାମ୍ପ ଡ୍ୟୁଟି ଦେବାକୁ ପଡ଼ିଛି । ଲୋଧା ଗ୍ରୁପ ଦ୍ବାରା ଏହି ଆପାର୍ଟମେଣ୍ଟର ନିର୍ମାଣ କରାଯାଉଛି ।
ଏହି ଡିଲ୍ ମାସକ ତଳେ ହୋଇଥିବା ଆଉ ଏକ ଦାମୀ ଡିଲ୍ ର ରେକର୍ଡକୁ କାଟି ଦେଇଛି । ଗତ ଫେବ୍ରୁଆରି ମାସରେ ଓ୍ବେଲସ୍ପୁନ ଗ୍ରୁପର ଅଧ୍ୟକ୍ଷ ବି.କେ.ଗୋଏଙ୍କା ୨୪୦ କୋଟି ଟଙ୍କାରେ ମୁମ୍ବାଇରେ ଏକ ପେଣ୍ଟହାଉସ କିଣିଥିଲେ । ମୁମ୍ବାଇର ଓ୍ବର୍ଲି ସ୍ଥିତ ଆନି ବେସାନ୍ତ ରୋଡରେ ଥିବା ଲକଜୁରୀ ଆପାର୍ଟମେଣ୍ଟ ‘ଥ୍ରୀ ସିକ୍ସଟି ଓ୍ବେଷ୍ଟ’ ର ୬୩, ୬୪ ଓ ୬୫ ତମ ମହଲାରେ ଏହି ପେଣ୍ଟହାଉସ୍ ଅବସ୍ଥିତ । ସେତେବେଳେ ଏହାକୁ ଭାରତର ସବୁଠାରୁ ଦାମୀ ଫ୍ଲାଟ ବୋଲି କୁହାଯାଉଥିଲା । କିନ୍ତୁ ମାସକ ପରେ ଏହି ରେକର୍ଡ ଭାଙ୍ଗିଯାଇଛି ।
ଗତ ୨୦୧୫ ମସିହାରେ ମୁମ୍ବାଇର ଲୋଧା ଆପାର୍ଟମେଣ୍ଟରେ ଥିବା ଏକ ପେଣ୍ଟହାଉସକୁ ଜିନ୍ଦଲ ପରିବାର ୧୬୦ କୋଟି ଟଙ୍କାରେ କିଣିଥିଲେ । ୨୦୨୨ରେ ମୁମ୍ବାଇର ବାନ୍ଦ୍ରାଠାରେ ଥିବା ସାଗରସଂଗମ ବିଲଡିଂରେ ଅଭିନେତା ରଣବୀର ସିଂ ୧୧୬ କୋଟି ଟଙ୍କା ଦେଇ ଏକ ଫ୍ଲାଟ କିଣିଥିଲେ ।