ନୂଆଦିଲ୍ଲୀ: ବଜାଜ ପଲସରକୁ ପସନ୍ଦ କରୁଥିବା ବାଇକ୍ ପ୍ରେମୀଙ୍କ ପାଇଁ ଏକ ଦୁଃଖଦ ଖବର ଅଛି | କାରଣ ବଜାଜ ଏହାର ଏହି ଲୋକପ୍ରିୟ ମଡେଲକୁ ବନ୍ଦ କରିବାକୁ ଯାଉଛି | ଜିଗହ୍ୱିଲସର ରିପୋର୍ଟ ଅନୁଯାୟୀ କମ୍ପାନୀ ଏହାର ଲୋକପ୍ରିୟ ବାଇକ୍ ପଲସର ୨୨୦ଏଫର ଉତ୍ପାଦନ ବନ୍ଦ କରିଦେଇଛି। ୨୦୦୭ ମସିହାରେ ଲଞ୍ଚ ହୋଇଥିବା ଏହି ବାଇକ୍ ଗ୍ରାହକଙ୍କ ଠାରୁ ବହୁତ ଭଲ ରେସପନ୍ସ ପାଇଥିଲା | ଏହି ମଡେଲ କମ୍ ମୂଲ୍ୟରେ ଏକ ସ୍ପୋର୍ଟସ୍ ବାଇକର ଅନୁଭବ ଦେଇଥିଲା | କମ୍ପାନୀ ଚଳିତ ବର୍ଷ ସେପ୍ଟେମ୍ବରରେ ଏହି ମଡେଲର ୪,୧୦୮ଟି ୟୁନିଟ୍ ବିକ୍ରି କରିଛି |
Sambad is now on WhatsApp
Join and get latest news updates delivered to you via WhatsApp
ପଲସର ୨୨୦ଏଫ୍ ବାଇକର ମୂଲ୍ୟ ବର୍ତ୍ତମାନ ୧.୩୪ ଲକ୍ଷ ଟଙ୍କା (ଏକ୍ସ ସୋ’ରୁମ୍) ଥିବାବେଳେ କମ୍ପାନୀର ଏହି ମଡେଲ ୧୫ ବର୍ଷ ଧରି ବାଇକ ପ୍ରେମୀଙ୍କ ପ୍ରଥମ ପସନ୍ଦ ପାଲଟିଥିଲା | ତେବେ ବର୍ତ୍ତମାନ କମ୍ପାନୀ ଏହାକୁ ବନ୍ଦ କରିବାକୁ ନିଷ୍ପତ୍ତି ନେଇଛି। କମ୍ପାନୀ ଲଞ୍ଚ କରିଥିବା ପଲସର ଏନ୍୨୫୦ ଏବଂ ଏଫ୍୨୫୦ର ବିକ୍ରି ବଢାଇବାକୁ ପଲସର ୨୨୦ଏଫକୁ ବନ୍ଦ କରାଯାଇଛି |
ରିପୋର୍ଟ ଅନୁଯାୟୀ, ବଜାଜ ପଲସର ୨୨୦ଏଫର ଉତ୍ପାଦନ ବନ୍ଦ କରିଦିଆଯାଇଛି ଏବଂ ଏହାର ଶେଷ ବ୍ୟାଚର ବିକ୍ରୟ ଏବେ ଶୋ’ରୁମରେ ଚାଲିଛି | ପଲସର ୨୨୦ଏଫ ବାବଦରେ କହିବାକୁ ଗଲେ ଏହି ବାଇକରେ ୨୨୦ସିସିର ସିଙ୍ଗଲ୍ ସିଲିଣ୍ଡର ଇଞ୍ଜିନ ଥିବାବେଳେ ୫-ସ୍ପିଡ୍ ଗିଅରବକ୍ସରେ ଏହି ବାଇକର ମାଇଲେଜ୍ ହେଉଛି ଲିଟର ପିଛା ୪୦ କିଲୋମିଟର | ସେହିପରି ପଲସର ୨୫୦ରେ ୨୪୯.୦୭ ସିସିର ସିଙ୍ଗଲ୍ ସିଲିଣ୍ଡର ଇଞ୍ଜିନ୍ ରହିଛି |